jueves, 25 de diciembre de 2025
Nota de prensa del Gabinete de Comunicación del BNG:
Baixo o lema O acoso laboral é desigualdade, é violencia: Erradiquémolo, o BNG pon en marcha a campaña con motivo do 8M centrada na loita contra o acoso laboral e da man de mulleres que sufriron esta forma de violencia e tiveron a coraxe de denunciar e defender os seus dereitos: Nélida Pisco e Maribel Coto que, xunto coa portavoz nacional, Ana Pontón, e a portavoz parlamentaria de Igualdade, Noa Presas, puxeron o foco sobre este problema en vésperas da celebración do Día Internacional da Muller.
Nélida e Maribel, -nun relato contundente e clarificador da súa situación persoal de acoso laboral e de acoso sexual no traballo-, denunciaron a indefensión na que se ven tanto por parte das empresas como por parte dos poderes públicos, e instaron ás mulleres a denunciar por ser a única maneira de mudar as cousas.
O importante é loitar porque recuperas a túa autoestima, porque cando loitas as cousas cambian aínda que non che dean a razón, subliñou Maribel. Non estou triste, estou enfadada, pero estou aquí polas miñas nenas, que son mulleres, e cando miro para elas digo, isto non pode ser así, por elas xa merece a pena loitar, explicaba Nélida.
A portavoz nacional puxo sobre a mesa a escalada de asasinatos de mulleres, -16 en dous meses-, a causa do terrorismo machista como expresión extrema de desigualdade e de violencia e criticou a falta de implicación da Administración pública que non ve nestes crimes un problema de Estado. Que pasaría se en lugar de 16 mulleres asasinasen a 16 deputados ou deputadas? Minutos de silencio?, interpelou, como primeira reflexión na presentación da campaña do Bloque para o 8M.
Pontón salientou que a crise agudizou a discriminación e a desigualdade laboral das mulleres. Coa crise medrou a desprotección das mulleres no ámbito laboral, agora máis vulnerables, e o Estado en vez de amparalas o que fixo foi aprobar normas que nos restan mecanismos para defender os nosos dereitos, indicou. Citando o informe 2016 do Fondo Mundial Económico, ao ritmo actual precísanse 170 anos para acadar a igualdade económica entre homes e mulleres.
A dirixente nacionalista explicou as medidas do Bloque para combater o acoso sexual no traballo e o acoso laboral por razón de sexo, en particular as que poden implementarse na Administración pública, para dar exemplo.
Así, o BNG propón que as administracións rescindan as contratacións con empresas que teñan condenas por acoso sexual e moral e incluír nos pregos de contratación penalizacións e rescisión de contratos por causa de discriminación por xénero ou orientación sexual.
Igualmente, sancións a todas as empresas que vulneren a igualdade de xénero e promover escolas infantís nas compañías de máis de 300 empregos para que os país e as nais podan deixar aos fillos e fillas. Hai que ter en conta que Galiza é a segunda comunidade que máis denuncias acumula por vulneración da conciliación familiar, segundo o informe do Consello Xeral do Poder Xudicial, explicou Pontón.
O Bloque tamén pide que se faga un estudo de avaliación da Lei galega de igualdade, tras doce anos de funcionamento e unha revisión dos protocolos de actuación e protección das mulleres que sofren acoso laboral. A portavoz nacional interpelará ao presidente da Xunta polo incremento da desigualdade entre as mulleres na próxima sesión de control no Parlamento e, en nome do BNG, convida a participar na manifestación organizada en Santiago este domingo con motivo do Día internacional da Muller.
Fotografía: Gabinete de Comunicación del BNG
A conselleira do Medio Rural, acompañada polo director xeral da PAC e do Control da Cadea Alimentaria, Juan José Cerviño, presidiu este mediodía a constitución do Observatorio do sector lácteo de Galicia, órgano colexiado de seguimento, asesoramento, consulta e análise deste eido produtivo. Esta reunión ten lugar trala entrada en vigor do decreto que actualizou a regulación deste órgano e que, entre outros obxectivos, persegue facer un seguimento continuado do sector e mellorar o seu funcionamento. O Observatorio vén funcionando dende a súa creación no ano 2007
En concreto, o programa do Calendario do Libro e da Lectura inaugurará as súas 35 efemérides para o longo de todo o ano o 11 de xaneiro, co Día do usuario/a da Biblioteca e terá como unha das súas datas significativas desde mes, o Día da Ilustración, que se celebra o 30 e está dedicado ao humorista gráfico Siro López. Complétanse as datas significativas coa celebración, o 1 de abril, do Día das artes galegas, que se centra neste 2026 nun dos nosos fotógrafos máis vangardistas e internacionais, o ourensán José Suárez. En todo caso, este festexo estenderase todo o ano cunha ampla oferta de accións, do mesmo xeito que sucederá co Día das letras galegas (17 de maio) que nas bibliotecas xirará ao redor da escritora Begoña Caamaño.
