Noticias

El BNG pide medidas que permitan una respuesta rápida en caso de quebrantamiento de las órdenes de alejamiento

El BNG plantea una serie de peticiones que permitan una "respuesta rápida" en caso de detectarse que hubo quebrantamiento de una orden de alejamiento. El BNG reflexiona e insta al Gobierno gallego a "reconocer el fracaso de las medidas de protección", puesto que en Galicia, según Ana Pontón, los datos son "reveladores" la "escalada" de crímenes que se producen recientemente.

Nota de prensa del Gabinete de Comunicación del BNG:

En apenas dous meses 15 mulleres asasinadas polo terrorismo machista, mulleres acoiteladas, degoladas, queimadas, tiradas polas escaleiras,...“arrepiante”, sintetizou a portavoz nacional, Ana Pontón, que fixo unha reflexión previa antes de explicar as medidas urxentes que propón o BNG diante da escalada de feminicidios.

“Que pasaría se en apenas dous meses asasinasen a 15 deputados ou deputadas? Como reaccionaría a sociedade e, sobre todo, como reaccionaría o Goberno central e o Goberno galego ante eses 15 crimes? Con minutos de silencio? Con declaracións rituais de condena? Seguro que non”, replicouse a propia dirixente nacionalista.

“Mentres se poda matar a 15 mulleres en dous meses e o todo siga rodando como se tal cousa, o terrorismo machista, a violencia de xénero seguirá condenando a miles de mulleres a unha vida de medo e desesperación, cando non á morte”, denunciou, e se para loitar contra estes crimes “hai que declarar un estado de excepción que se declare, pero non podemos ver como inevitable que exista violencia contra as mulleres”, enfatizou para urxir medidas inmediatas.

Pontón puxo enriba da mesa as propostas de aplicación urxente que propón o BNG, que teñen como punto de partida que os poderes públicos admitan o fracaso na protección as vítimas de violencia machista, mesmo das que deron o paso e denunciar.

O último informe da Lei de Prevención e Tratamento Integral da Violencia de Xénero revela que o 40% das solicitudes de ordes de protección, -1.564 en 2015-, foron desestimadas e os medios telemáticos de protección, -as denominadas pulseiras de afastamento-, foron autorizadas en 22 casos de 930 ordes de protección, apenas un 2,4%.

“As mulleres están sendo asasinadas con ordes de afastamento e mesmo en lugares onde deberían estar protexidas polos poderse públicos, como hospitais ou residencias da terceira idade”, salientou Pontón. Neste contexto, o BNG formula dúas propostas inmediatas.

Implantación das pulseiras de afastamento ao 100% dos agresores nos casos en que as vítimas teñen orde de protección, en Galiza case un millar. O Goberno central adquiriu unha partida de 3.000 destes dispositivos electrónicos en 2009 e, con datos de 2015, había en uso no Estado 797.

Substituír o actual sistema de valoración de riscos, un programa informático (VioGén) que rexeita o 40% das solicitudes de orde de protección por unha avaliación directa da denunciante por parte dunha equipa multidisciplinar que abarque dese o ámbito xudicial ao policial, con persoal cualificado en loita contra violencia de xénero.

Igualmente, o Bloque reclama da Xunta a convocatoria inmediata da liña de axudas para as vítimas de violencia machista, o chamado salario da liberdade que, desde a pasada lexislatura e grazas a unha iniciativa do grupo parlamentario nacionalista, debe estar dispoñible todo o ano. Pois ben, a pesares do que di a normativa e de que as contas de 2017 foron aprobadas fai semanas, o Executivo galego aínda non abriu esta liña de axudas.

Ademais de reclamar maior dotación orzamentaria, porque os actuais 5M€ previstos este ano están por debaixo do que a Xunta gasta en manter a cidade da cultura ou en en persoal de gabinete.

Ademais, Pontón concluíu denunciando a falta de implicación real Goberno central e da Xunta para loitar contra o terrorismo machista, “porque asasinar mulleres non é considerado un problema de Estado, e iso xera un clima de impunidade para os maltratadores”, denunciou, o que termina por reflectirse na morna respostas social e mediática.

Fotografía: archivo GD/ Xunta de Galicia.

R., 2017-02-27

Actualidad

Foto del resto de noticias (bioincubatech.jpg) A primeira incubadora galega do sector biotecnolóxico, converterase nun verdadeiro viveiro de oportunidades de investimento de alta rendibilidade permitindo a incubación de 40 novas bioempresas en Galicia. BioIncubaTech, da que xa manifestaron o seu interese en participar máis de 30 empresas tratoras como Inditex, Coren, Finsa ou Biofabri, enmárcase na Estratexia galega de impulso á biotecnoloxía 2016-2020, que ten entre os seus principais eixos de acción o de fomentar a transferencia de coñecemento ao mercado.
Foto de la tercera plana (economia_4.jpg) Galicia continúa sendo a comunidade autónoma que mellor paga aos seus provedores, ao acadar no mes de agosto un período medio de pago de 14 días, fronte aos 38 días de media autonómica, segundo os datos oficiais do mes de referencia publicados hoxe polo Ministerio de Facenda. Neste mes, o período medio de pago de Galicia situouse 16 días por debaixo do límite que establece a normativa estatal, que é de 30 días. Pola contra, a media autonómica quedou en 38 días, o que ratifica que Galicia aboa os seus pagamentos 24 días antes que o conxunto das comunidades.

Notas

A Cidade da Cultura celebra este sábado a súa primeira foliada de outono co ‘Magosto no Gaiás’. Para celebrar esta cita cultural e gastronómica con tanto arraigo na cultura popular galega, non só se contará coas imprescindibles castañas senón que se adobiará a festa cos ritmos enxebres e enérxicos de Xosé Lois Romero & Aliboria.
O venres 19 de outubro tivo lugar na Casa de Galicia en Las Palmas de Gran Canaria a inauguración da exposición MANUEL RODRÍGUEZ LÓPEZ, sobre a vida e obra do escritor de Paradela. No devandito acto participaron Albino Aneiros, presidente da Casa de Galicia en Las Palmas, Marisa González Lagarón, membro da Xunta Directiva, e Antonio Giz en representación de GaliciaDigital.
PUBLICIDAD
Deputación de Ourense
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania