miércoles, 4 de noviembre de 2026
Nota de prensa del Gabinete de Comunicación de la Xunta de Galicia:
O conselleiro de Cultura, Educación e Ordenación Universitaria, Román Rodríguez, invitou a lograr un consenso no Parlamento de Galicia para elaborar unha lei autonómica que recoñeza o Panteón de Galegos Ilustres como o cuarto símbolo de Galicia, xunto co himno, coa bandeira e co escudo. En resposta a unha pregunta do BNG, o responsable do departamento de Cultura da Xunta de Galicia explicou que é na Cámara de representación dos galegos e galegas onde ten que xurdir o consenso arredor de algo que tende a converterse en símbolo de Galicia.
Neste sentido, o conselleiro lembrou que toda proposta relativa ao Panteón debe ter como punto de partida a Proposta de lei elaborada en 2011 pola comisión interinstitucional coordinada polo Consello da Cultura Galega e, así mesmo, debe contar, tal e como recordou, co consenso e apoio de todas as institucións implicadas.
Deste xeito, avanzou que a Xunta de Galicia apoiará e colaborará na solución que, froito do máximo consenso posible, se aprobe no Parlamento galego, postura que, de feito, xa quedaba recollida no propio programa electoral do PPdeG. Así mesmo, Román Rodríguez animou ao BNG a sumarse a unha iniciativa de consenso que permita potenciar e recoñecer o Panteón de Galicia como un elemento singular da identidade galega.
En todo caso, tamén lembrou a negociación realizada no seu día pola Consellería de Cultura e Turismo co Arcebispado de Santiago para garantir o acceso público xeral a este espazo patrimonial esencial para Galicia, despois dun proceso xudicial que estableceu a súa titularidade a favor da Igrexa, e non do Concello. Nos últimos anos subliñou o Goberno galego traballou co obxectivo de garantir tanto a apertura ao público do Panteón, como o seu uso en condicións de plena normalidade por parte de toda a cidadanía.
Nota de prensa del Gabinete de Comunicación del BNG:
O BNG volveu reclamar no Parlamento galego o uso civil, laico e titularidade pública do Panteón de Galegos Ilustres ante a imposibilidade de poder visitalo sen a pertinente autorización do Arcebispado de Santiago.
A través dunha pregunta parlamentaria ao goberno, a deputada do BNG, Olalla Rodil considerou paradóxico que non exista ningún problema para bautizar o actual aeroporto de Santiago de Compostela co nome da poeta nacional, Rosalía de Castro, e sen embargo, o Panteón de Galegos Ilustres, un dos principais símbolos de Galiza que acolle a tumba da figura clave do rexurdir cultural galego non poida ser visitada con liberdade sen a conseguinte autorización do Arcebispado de Santiago.
A deputada insistiu na necesidade de ofrecer unha solución ao actual emprazamento do Panteón polo que volveu a preguntar se existe algunha medida, por parte do goberno galego, para que de novo, o panteón sexa de titularidade pública e cun uso civil e laico porque coa titularidade da Igrexa, non está sendo así, recalcou Rodil.
Pola súa parte, o conselleiro Román Rodríguez respondeu que a Xunta está disposta a un acordo conxunto con todas as forzas políticas para unha lei autonómica que recoñeza o Panteón de Galegos Ilustres como símbolo da Cultura galega e como xa figura no propio programa electoral do Partido popular ao que a nacionalista replicou que é necesario buscar unha solución a un espazo que na súa orixe xa foi concebido como un espazo de titularidade pública e laico e polo tanto, reiterou, debe recuperar esa consideración.
Por outra parte, lembrou que o Museo do Pobo galego, situado no mesmo enclave que o Panteón é de titularidade pública, neste sentido, reclamou tamén esta condición para o Panteón de Galegos Ilustres. Debe ser público, laico, de interese cultural, posto en valor e promovido para o seu coñecemento.
Fotografía: Gabinete de Comunicación del BNG
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os días 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
