jueves, 13 de agosto de 2026
Nota de prensa del Gabinete de Comunicación del BNG:
O BNG presentou unha denuncia ante a Fiscalía do Tribunal Superior de Xustiza de Galiza (TSXG) instando a abrir unha investigación sobre a venda de NovaGalicia Banco por considerar que pode ser constitutiva dun deleito de malversación de caudais públicos. A formación nacionalista recorre tamén a vía penal, ante o bloqueo do PP á comisión de investigación das caixas no Parlamento.
Foi un proceso fraudulento que supuxo á perda do sistema financeiro galego, con opacidade, coa modificación das normas e no que se perderon 9.000 millóns de euros de recursos públicos, explicou a portavoz nacional, Ana Pontón, na presentación da denuncia ante o alto tribunal. Hai que investigar a fondo, recalcou, porque hai moitas preguntas sen responder e non é de recibo que os responsables se vaian de rositas.
Entre as incógnitas sen despexar, por qué o FROB procedeu a unha venda precipitada anos antes do prazo dado por Bruxelas que expiraba en 2017 ou por qué se aceptou unha poxa á baixa que imposibilitaba recuperar os cartos do rescate. Pontón lembra que en dous anos Abanca obtivo un beneficio de 600M, -o 66,1% do invertido-, o que demostra que era viable e solvente como entidade pública.
O BNG decidiu presentar esta denuncia ante a Fiscalía á vista do bloqueo do PP ao funcionamento da comisión de investigación das caixas no Parlamento, por iso pedimos que a xustiza investigue polo penal a maior fraude financeira de Galiza.
Será posible se a xustiza actúe con independencia e non hai interferencias por parte do Goberno, indicou, tendo en conta os reiterados intentos de Feijóo para evitar unha investigación real da desaparición das caixas. Se o PP non tiveran nada que ocultar serían o primeiro interesado na investigación, alegou.
Pontón puxo como exemplo a intervención xudicial nas indemnización ilegais dos ex directivos como argumento engadido á presentación da denuncia ante o TSXG. O que non é de recibo é que desapareza o noso sistema financeiro, que se perdan 9.000M e non haxa responsabilidades.
A dirixente do Bloque tamén criticou a falta de humildade do empresario venezolano Juán Carlos Escotet, que fixo o negocio de século, mentres Galiza saíu perdendo. Ven dicirnos que recibiu un banco escarallado cando en realidade recibiu un banco regalado, cunhas condicións de venda onde as garantías ofertadas polo Estado superaban ao prezo ofertado. Por exemplo, a devolución das cláusulas solo son a conta do erario público e non dos beneficios de Abanca, alegou.
Para o BNG é claro que hai responsabilidades penais e políticas, cun Feijóo cómplice, e que a cidadanía galega ten dereito a coñecer a verdade deste desfalco con claros indicios dun deleito penal.
Fotografía: Gabinete de Comunicación del BNG
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
