martes, 7 de abril de 2026
Nota de prensa del Gabinete de Comunicación del Concello de Santiago de Compostela:
A concelleira de Turismo, Marta Lois, acompañada dos representantes da Tropa Korriban, Manuel Ángel Gayoso e Andrés Torreiro, presentaron no Pazo de Raxoi o desfile que terá lugar polas rúas de Santiago e que rematará na praza do Obradoiro o 27 de maio.
O 21 de maio do 2010, Santiago acolleu o seu primeiro desfile de Star Wars, con motivo do trinta aniversario de O Imperio Contrataca. Un grupo de persoas organizou aquel evento, que foi un éxito de participación con máis de 20.000 asistentes. A partires daquel evento naceu a Tropa Korriban, asociación de fans de Star Wars de Galicia.
Dende o 2010, a Tropa Korriban ten organizado e participado en multitude de eventos arredor do da saga de Star Wars, entre os que destacan visitas solidarias a hospitais infantís, desfiles en festas e outros eventos lúdicos e culturais. No 2013 organizou o segundo desfile de Star Wars en Santiago, neste caso para celebrar o 30 aniversario de O retorno do Jedi.
Neste terceiro desfile celebrarase o 40 aniversario da estrea da primeira película da saga de Star Wars, que se proxectou por primeira vez no 1977 e coa que George Lucas comezou a crear un universo con millóns de seguidores en todo o mundo.
Para esta conmemoración, a Tropa Korriban convocará a asociacións e fans de Star Wars de toda España e doutros países, así como ao público en xeral, con caracterizacións dos distintos personaxes da saga de películas e o seu universo expandido. O evento incluirá unha homenaxe á figura da actriz Carrie Fisher, que encarnou á Princesa Leia.
Deste xeito, os membros da Tropa Korriban e de moitos outros colectivos de fans, desfilarán polas rúas do Casco Histórico de Compostela caracterizados como os personaxes dos filmes de George Lucas. Trátase dun evento lúdico, sen ánimo de lucro, e que conta co apoio do Concello de Santiago. Todas as persoas que desexen participar poden atopar máis información en: www.imperialstormtroopers.es.
Fotografía: Gabinete de Comunicación del Concello de Santiago de Compostela
Foi presentada a novena edición do Festival Clasclás que, baixo lema de 'Paixón', se vai celebrar, do 20 ao 27 de xuño, en Vilagarcía de Arousa, cunha ambiciosa programación que aposta pola vangarda e a ciencia. Así, este certame convértese nunha das grandes citas internacionais da música clásica, cunha programación que abrangue desde a excelencia da Orquestra Sinfónica de Galicia e da música de cámara ata o virtuosismo de solistas chegados de diferentes partes do mundo. O evento inclúe a celebración dun 'concerto inmersivo' para conmemorar a eclipse solar, que terá lugar en agosto.
O presidente da Xunta destacou que 'as medidas fiscais aprobadas polo Goberno galego e consolidadas dende o ano 2022 permitirán a cada contribuínte da comunidade aforrar unha media de 476 euros na declaración da renda'. Así mesmo, lembrou que na campaña deste ano 'seguen vixentes as medidas de alivio fiscal' postas en marcha pola Administración autonómica nos últimos anos. Así, os contribuíntes galegos volverán aplicar a tarifa deflactada nos tres primeiros tramos autonómicos do IRPF no ano 2023 e a rebaixa do primeiro tramo e do incremento dos mínimos persoal e familiar.
