martes, 7 de abril de 2026
Nota de prensa del Gabinete de Comunicación del BNG:
O BNG aproveitou a comparecencia dos portavoces das Plataforma de vítimas do Alvia ante a Comisión de Peticións da Eurocámara para pedir que o Parlamento europeo solicite a reapertura da investigación polo accidente de Angrois tras coñecer o informe da propia Comisión Europea, en concreto da Axencia Ferroviaria Europea, no que se cuestionaba a imparcialidade da investigación levada a cabo polas autoridades españolas.
A portavoz nacionalista en Bruxelas, Ana Miranda, puxo en valor o traballo do BNG tanto para a elaboración e difusión dese informe como polo feito de que as vítimas podan explicarse ante a Eurocámara, superando por fin o boicot do PP e do PSOE a que esta Comisión de Peticións se celebrase.
O BNG, xunto cos portavoces da vítimas, vai manter mañá un terceiro encontro co director xeral da Axencia Ferroviaria Europea ao que Miranda solicitará que acceda a declarar no novo proceso de investigación aberto para esclarecer causas e responsabilidades do sinistro, que non se lle poden atribuír exclusivamente ao maquinsta, dixo, ao tempo que contrapuxo a actitude do Parlamento europeo escoitando á vítimas, co das autoridades españolas.
Fotografía: Gabinete de Comunicación del BNG
Foi presentada a novena edición do Festival Clasclás que, baixo lema de 'Paixón', se vai celebrar, do 20 ao 27 de xuño, en Vilagarcía de Arousa, cunha ambiciosa programación que aposta pola vangarda e a ciencia. Así, este certame convértese nunha das grandes citas internacionais da música clásica, cunha programación que abrangue desde a excelencia da Orquestra Sinfónica de Galicia e da música de cámara ata o virtuosismo de solistas chegados de diferentes partes do mundo. O evento inclúe a celebración dun 'concerto inmersivo' para conmemorar a eclipse solar, que terá lugar en agosto.
O presidente da Xunta destacou que 'as medidas fiscais aprobadas polo Goberno galego e consolidadas dende o ano 2022 permitirán a cada contribuínte da comunidade aforrar unha media de 476 euros na declaración da renda'. Así mesmo, lembrou que na campaña deste ano 'seguen vixentes as medidas de alivio fiscal' postas en marcha pola Administración autonómica nos últimos anos. Así, os contribuíntes galegos volverán aplicar a tarifa deflactada nos tres primeiros tramos autonómicos do IRPF no ano 2023 e a rebaixa do primeiro tramo e do incremento dos mínimos persoal e familiar.
