miércoles, 8 de abril de 2026
Nota de prensa del Gabinete de Comunicación del Concello de Santiago de Compostela:
Marta Lois destacou que Santiago viviu no 2016 ano un gran ano turístico, conseguindo máximos históricos de tráfico no aeroporto, no Camiño de Santiago e de pernoctacións na cidade. Segundo a concelleira, gran parte do crecemento turístico de Santiago nos últimos anos debeuse á constante internacionalización da demanda. No ano 2011, o turismo internacional representou o 33% das pernoctacións da cidade, con 370.000. No pasado ano chegou practicamente ao 50% da demanda, con 650.000 pernoctacións.
O mercado alemán foi un dos motores do crecemento do turismo internacional na cidade. Alemaña é historicamente un dos países con maior tradición peregrina. Pero a demanda alemá creceu dun modo moi considerable nos últimos anos. Por exemplo, no 2012 houbo 50.000 pernoctacións de turistas xermanos e uns 15.000 peregrinos. No 2016 roldáronse as 80.000 pernoctacións e superáronse por primeira vez os 20.000 peregrinos de Alemaña.
Segundo apunto Marta Lois, a chegada de Lufthansa a Santiago constitúe unha grande oportunidade para continuar crecendo no mercado alemán, pero tamén é unha grande oportunidade para continuar medrando internacionalmente, xa que Lufthansa conta con grandes hubs tanto en Frankfurt como en Múnich, que ofrecen múltiples posibilidades de conexión.
O aeroporto de Frankfurt é o maior de Alemaña e un dos hubs máis importantes do mundo. Trátase do maior hub de Lufthansa e ofrece aos seus visitantes todo tipo de servizos, instalacións e eventos. Por outro lado, o aeroporto de Múnich é un dos máis grandes de Alemaña, e foi galardoado no 2016 por Skytrax como mellor aeroporto de Europa por terceiro ano seguido.
Fotografía: Gabinete de Comunicación del Concello de Santiago de Compostela
O Carballo Interplay desenvolverá do 16 ao 19 de abril no Mercado de Carballo a súa 13ª edición cun programa de 32 actividades arredor da creación dixital contemporánea, das series en pequeno formato, a cultura de internet e a reflexión sobre os novos modos de comunicar na rede. O certame reforza especialmente este ano a presenza do galego como lingua de creación, conversa e pensamento no ecosistema dixital, cunha programación específica arredor dos contidos no noso idioma nas redes sociais, accións formativas para a mocidade, premios dirixidos a recoñecer o talento que crea na nosa lingua e novas oportunidades para a produción de proxectos audiovisuais nados no ámbito dixital.
A Cidade da Cultura celebrará o Día do Circo o vindeiro 19 de abril co espectáculo 'Sen patrón', da compañía galega Pistacatro, recoñecida co Premio Nacional 2025 desta disciplina artística. A proposta terá lugar no Xardín do Teatro, ás 17,00 horas, con entrada libre e de balde. Así, o Día do Circo convértese nun momento para celebrar tamén a chegada da primavera cunha proposta escénica aberta, festiva e accesible para todo tipo de públicos, que combina cabaré, números aéreos e malabares cunha dramaturxia que reivindica tanto técnicas circenses tradicionais como contemporáneas. Pistacatro é unha das compañías e produtoras de circo máis relevantes das artes vivas de Galicia, que traballa a prol da profesionalización do circo na Comunidade, impulsando as carreiras de artistas e traballadores do sector.
