lunes, 29 de abril de 2024
Nota de prensa del Gabinete de Comunicación del BNG:
A loita contra a violencia machista e un novo modelo de financiamento para Galiza serán as prioridades que o BNG abordará no último pleno parlamentario do ano, en forma de interpelación ao Goberno da Xunta e de pregunta de control ao xefe do Executivo galego.
Os asasinatos machistas non se solucionan nin con minutos de silencio, nin con lazos nas solapas, salientou a portavoz nacional, Ana Pontón, tras a reunión da Mesa da Cámara. Temos que asumir con realismo que o que se fixo ata agora é insuficiente, que en algúns casos, non se está aplicando a lei, e noutros non está funciona, haberá que asumir con responsabilidade facer algo máis para acabar cos asasinatos machistas, explicou.
Esta ineficacia na loita contra o terrorismo machista ten cifras reveladoras. Catro de cada dez mulleres que solicitaron unha orde de protección non a conseguiron e case a metade das asasinadas por violencia de xénero no conxunto do Estado tiñan unha orde de protección que non serviu para nada, -subliñou Pontón-. E, ademais, aumenta a violencia entre a mocidade.
Neste contexto, o BNG considera inexplicable que o Goberno galego non trouxera ningunha iniciativa á Cámara nin fomentara ningún debate. Podemos acabar coa violencia de xénero se o convertemos en prioridade política, indicou, tras avanzar que o Bloque vai propoñer un gran pacto galego contra a violencia machista con plasmación orzamentaria.
Pontón propón facer unha revisión a fondo dos protocolos, medidas de coeducación real e que se aposte pola igualdade en todos os ámbitos. O que hai non funciona, é evidente, concluíu.
A dirixente do Bloque interpelará ao presidente galego sobre as razóns que o levan a defender un concerto económico para Cataluña pero non no país. Con esa actitude vai conseguir que Galiza quede atrás marxinada e relegada no ámbito das nacións no debate do futuro modelo de financiamento autonómico, mentres Euskadi xa ten o concerto económico desde hai décadas e todo parece indicar que Cataluña vai conseguir o mesmo, advertiu Pontón.
Imos esixirlle a Feijóo que abandone as posicións do centralismo do PP que impón un modelo de financiamento insuficiente e inxusto, e que aposte por un concerto económico que nos dote dos recursos para crear emprego e blindar os servizos sociais, desde a progresividade fiscal.
No último pleno deste período de sesións, o Bloque tamén abordará o enésimo retraso na chegada do AVE a Galiza, -ademais de convertelo nunha infraestrutura de segunda ao carecer de dobre vía, o que afectará ao servizos, ás frecuencias e a seguridade-. Igualmente, o incumprido compromiso do PP de sacar ELNOSA de Lourizán, e a repercusión da LOMCE no uso do galego no ensino, coa proposta de darlle á lingua do país as mesma carga lectiva que ao castelán, serán propostas parlamentarias do BNG no vindeiro pleno.
Nota de prensa del Gabinete de Comunicación de En Marea:
O grupo parlamentario de En Marea centrará todas as súas iniciativas do vindeiro pleno do Parlamento de Galicia na defensa da igualdade e a loita contra a violencia machista. O portavoz de En Marea, Luis Villares, anunciou na rolda de prensa posterior a Xunta de portavoces a intención do seu grupo de presentar un programa en positivo e transversal en prol da igualdade para poder rematar dunha vez coa violencia machista.Villares explicou que os graves acontecementos desta fin de semana levaron a En Marea a defender a necesidade de impulsar unha acción en positivo para atacar o problema desde a base e desde todos os ámbitos xa que xa que so acadando unha maior igualdade entre mulleres e homes a todos os niveis se pode loitar e acabar cos comportamentos machistas. A acción non se pode reducir ao ámbito penal xa que a reacción neste ámbito prodúcese cando desgraciadamente é xa demasiado tarde, ante unha manifestación extrema de discriminación e desigualdade como é un asasinato machista. Por este motivo En Marea quere dar un paso máis levando ao pleno da vindeira semana unha serie de iniciativas orientadas a dar un tratamento integral non só da loita contra a violencia machista senón da igualdade e en positivo.
Das dúas proposicións non de lei de En Marea, a primeira delas estará centrada na educación en igualdade no ensino. Igualdade tanto en contidos, en valores, na superación de estereotipos e é o que nos leva a En Marea a rexeitar a subvencións a centros que segregan por sexo xa que supón unha educación non igualitaria. En Marea incidirá no aspecto educativo como fundamental para acadar a igualdade real na sociedade.
A outra das PNL de En Marea destaca a necesidade de incidir na violencia de xénero no ámbito rural, onde a situación e a discriminación está moito máis invisibilizada. En Marea insistirá na necesidade de dar un pulo político de prevención e erradicación da violencia de xénero no rural.
A interpelación ao Goberno da Xunta serán por unha banda para coñecer a situación da atención asistencial na Sanidade pública tanto na detección de situacións de violencia como de atención as vítimas. Villares afirmou que o sistema público non está a funcionar como debera, con retrasos na detección e atención as veces por falla de persoal e medios e a pesar da boa disposición e compromiso do persoal sanitario pero existen carencias que se deben arranxar.
A moción que En Marea levará ao pleno está centrada na defensa da igualdade salarial entre homes e mulleres xa que para que exista a independencia real debe haber tamén independencia económica polo que non é admisible as diferencias salariais entre un 8 e un 20 por cento dependendo do sector e o goberno galego debe tomar medidas para garantir a igualdade salarial.
En Marea preguntará ademais ao Goberno en relación as denuncias de casos de violencia de xénero na administración pública, máis alá dos datos de denuncia penal os casos que se detectan na propia administración pública, saber cal é a reacción da propia administración ante estes casos. A pregunta urxente será sobre o tratamento que se fai sobre a violencia machista xa que o xeito no que se traslada a información mantén determinados marcos de carácter cultural e social.
A pregunta ao Presidente da Xunta de Galicia relativa a violencia machista será redactada polos propios colectivos de mulleres que serán eles os que propoñan a pregunta que En Marea levará ao vindeiro pleno para que o presidente da Xunta de Galicia.
E preciso retomar os marcos da igualdade en todos os ámbitos concluíu Luís Villares. Con esta acción En Marea quere non só amosar o seu compromiso constante na defensa da igualdade e a loita contra a violencia machista senón presentar unha serie de iniciativas que deben ser prioridade e que se deben atender de xeito inmediato para acabar coa violencia machista.
A Formación Profesional galega contará a partir do vindeiro curso co dobre de inglés do marcado como mínimo na normativa básica estatal e permitirá ao alumnado realizar ata 700 horas de formación práctica, ata un 82% máis que ata o momento. Todo isto mantendo o peso da formación no centro educativo, cuxo profesorado é o piar fundamental do éxito acadado polo sistema galego de FP nos últimos anos. O modelo de FP de éxito tense adiantado e implementado moitos dos cambios que agora o Ministerio toma como sistema a imitar en toda España. Polo tanto a aplicación da nova lei vai ser flexible, de tal forma que en Galicia se manteña a excelencia e se incorporen as novidades.
Foi presentado o evento The Way Startup Summit 2024, que un ano máis convertirá a Vigo no maior foro de emprendemento, innovación e investimento no Noroeste de España e cita de referencia a nivel nacional. O programa de They Way contempla tres grandes escenarios ao redor da innovación, o emprendemento e o investimento, así como a organización de espazos de networking entre os asistentes, co obxectivo de que establezan contactos, intercambien coñecementos e propíciense sinerxias entre eles. The Way desenvolverase os días 9 e 10 de maio abordando temas como os retos de futuro das FinTech, da mobilidade, da alimentación, do retail, do turismo, do deporte ou do téxtil, entre outras áreas.
