domingo, 12 de abril de 2026
Nota de prensa del Gabinete de Comunicación de la USC:
O Claustro Universitario aprobou as Liñas Xerais do Orzamento da USC para 2017 con 112 votos a favor, 62 en contra e 13 en branco. Estas liñas fixan as contas universitarias para o vindeiro ano en 218,19 millóns de euros, o que representa unha variación do 1,46% con respecto ao exercicio anterior. Esta proposta de orzamentos baséase na estimación derivada do Plan Galego de Financiamento Universitario así como dos ingresos propios da USC, deixando á marxe da formulación inicial os aspectos que deben ser concretados no orzamento da Xunta, pendente de aprobación.
As liñas xerais marcan o punto de inicio do proceso negociador para lograr os mellores orzamentos para a USC, valorou o reitor Juan Viaño na súa intervención ante o Claustro Universitario, na que tamén sinalou que progresivamente imos retomando a senda da normalidade orzamentaria e do saneamento financeiro. Viaño lembrou ademais que o documento orzamentario para 2017 se axusta ao planificado no Plan Económico Financeiro de Reequilibrio aprobado hai dous anos e contemplan o escenario que deseñamos naquel momento e que se está cumprindo conforme ao previsto.
No apartado dos ingresos seguimos apostando por unha estimación cauta con pequenos reaxustes sobre o planificado e sen incluír ningún ingreso extraordinario ata que sexa efectivo, aclarou Juan Viaño. Polo que respecta ao capítulo de gastos, os orzamentos contemplan financiar as previsións de contratación de PDI e PAS, o aforro logrado cos novos contratos de subministro, a mellora de financiamento en I+D, a mellora do crédito destinado a centros docentes, a absorción da débeda e o saneamento financeiro. En definitiva, concluíu Viaño, as contas para 2017 suporán unha mellora substancial para a comunidade universitaria e permitirá continuar co escenario de mellora iniciado no ano 2016.
O Claustro aprobou tamén a actualización de 2016 das Liñas Xerais da Programación Plurianual 2015-18 da USC por 100 votos a favor, 87 en contra e 9 en branco-. O documento aprobado dá conta da evolución e das correspondentes actualizacións do programado durante o ano 2015 e en 2016 co obxectivo de debater e aprobar os distintos fitos que ou ben foron cumpridos ou ben foron modificados sobre a programación prevista, así como as propostas de actualización para o período 2017-2018. Do total das 28 emendas presentadas ao documento inicial aceptáronse 18.
Os sistemas de almacenamento enerxético resultan fundamentais para dar estabilidade ao sistema, tanto desde o punto de vista técnico como económico, grazas a súa contribución á resiliencia da rede e na redución das oscilacións dos prezos da factura eléctrica. Na actualidade Galicia conta con 46 expedientes de baterías en tramitación, que suman 492,75 MW, aos que hai que engadirlle outros 3 expedientes (17,75 MW) xa autorizados.
Foi presentada a nova edición da campaña Días Azuis do Comercio Galego, froito da colaboración entre o Executivo autonómico e a Federación Galega de Comercio, que se desenvolverá entre o 10 e o 30 de abril de 2026. Esta iniciativa ten como obxectivo incentivar e dinamizar o comercio de proximidade. Para iso, sortearanse 20.000 euros en premios entre as persoas consumidoras que realicen compras nos establecementos adheridos durante o período da campaña.
