viernes, 10 de abril de 2026
Nota de prensa del Gabinete de Comunicación de En Marea:
Tres anos despois do accidente de tren de Angrois no que morreron 80 persoas, ADIF admite que non entregou documentación relevante no xulgado que investiga o accidente. Trátase de máis de 300 folios que analizaban os riscos da liña de AVE Ourense-Santiago e que a empresa xestora da rede ferroviaria afirma que non se entregara ata agora por erro e que deben ser analizados polos peritos en apenas dous días, xa que este mesmo mércores están chamados a expoñer as súas conclusións.
Outra sombra sobre un proceso no que sempre parecen pesar máis os intereses económicos, partidistas e particulares que a memoria das vítimas e o respecto ás súas familias. Noticias coma esta, coa que se demostra a ocultación por parte da Administración de información relevante para a instrución xudicial do caso, non fan máis que reafirmar que o pacto de silencio PP-PSOE co accidente de Angrois van camiño de convertelo nunha das maiores vergoñas da historia democrática de España.
Responsables co noso programa electoral, dende En Marea esiximos no Congreso dos Deputados a apertura dunha comisión de investigación que esclarecese as verdadeiras causas do accidente. Dixemos que a corrupción mata. Seguiremos loitando pola verdade tanto no Congreso como no Parlamento galego.
Para En Marea sempre foi unha prioridade achegar luz á investigación do accidente de Angrois. Demasiadas sombras pesan sobre a investigación, demasiadas ofensas ás vítimas e ás súas familias. Seguiremos loitando para que se restitúa o dereito das vítimas e da sociedade en xeral a coñecer a verdade.
Fotografía: Plataforma de Víctimas del tren Alvia
O presidente da Xunta, Alfonso Rueda, anunciou hoxe a posta en marcha dun programa específico para reducir o abandono escolar centrado en varóns e na poboación inmigrante sen educación secundaria de segunda etapa, é dicir, que non contan con títulos superiores ao de ESO. O responsable do Executivo autonómico apuntou que a redución do abandono escolar é un 'importantísimo asunto de carácter estrutural no que a Xunta está embarcada hai tempo'. Aínda que indicou que 'imos polo bo camiño', lembrando que Galicia pechou 2025 cunha taxa do 10,4%, case tres puntos por debaixo da media estatal, sinalou que 'non podemos conformarnos nin moito menos'. Así, lembrou que a taxa de abandono educativo temperán é case o dobre nos homes (13,5%) ca nas mulleres (7,2%), polo que o Goberno galego está a intensificar as medidas especiais sobre eles.
O XIII Carballo Interplay desenvolverá do 16 ao 19 de abril un programa de 32 actividades arredor da creación dixital contemporánea, das series en pequeno formato, a cultura de internet e a reflexión sobre os novos modos de comunicar na rede. O certame reforza este ano a presenza do galego como lingua de creación, conversa e pensamento no ecosistema dixital, cunha programación específica arredor dos contidos no noso idioma nas RRSS, accións formativas para a mocidade, premios dirixidos a recoñecer o talento que crea na nosa lingua e novas oportunidades para a produción de proxectos.
