viernes, 10 de abril de 2026
Nota de prensa del Gabinete de Comunicación de la Universidad de Santiago de Compostela (USC):
O decreto sobre a duración dos estudos de grao e máster en España e a futura proba de acceso á Universidade foron os temas centrais da Asemblea Xeral que os reitores de universidades españolas mantiveron na USC. Os reitores acordaron pedir ao Ministerio de Educación, Cultura e Deportes a maior axilidade posible para resolver estas cuestións pola súa importancia para a xestión universitaria.
Tal e como explicou o presidente da CRUE, Segundo Píriz Durán, as universidades propoñen substituír a Selectividade pola reválida de Bacharelato, proba obrigatoria segundo a lei para o alumnado que quere acceder ao ensino superior, recordou Píriz. O presidente da Conferencia de Reitores sinalou que mentres que a futura proba de reválida permitiría cubrir o tramo de 0 a 10 da nota final, para o tramo de 10 a 14 da cualificación final deseñarase un procedemento o máis parecido posible ao que se viña facendo ata agora. Segundo Píriz quixo trasladar unha mensaxe de tranquilidade ao futuro estudantado universitario e ás súas familias porque pronto terán unha fórmula de acceso ao ensino superior.
Respecto da duración dos estudos de grao e máster, unha comisión mixta da CRUE e do Ministerio traballa neste eido dende finais do pasado mes de xullo. As universidades propoñen ao Ministerio que as titulacións que xa existían con anterioridade á implantación do Plan Bolonia, incluídas as ensinanzas médicas e as enxeñarías, manteñan a duración de catro anos. O resto, as de nova formulación, poderían acollerse a unha duración de tres anos. Non obstante, o presidente da CRUE considera que si a formación é a mellor ferramenta para saír da crise non se entende unha redución da duración dos estudos a 3 anos.
A Conferencia de Reitores de Universidades Españolas (CRUE) reúnese ata o xoves 29 no Centro de Estudos Avanzados (CEA) da Universidade de Santiago onde se celebrou a xuntanza da súa Asemblea Xeral. No acto inaugural deste encontro, o reitor Juan Viaño aludiu á celebración en Compostela, practicamente de xeito simultáneo, de Spin 2016, encontro que deixa patente o compromiso da Universidade cun novo modelo de transfrencia de coñecemento. Viaño afirmou que "a sociedade esíxenos que planifiquemos de forma ordenada a conexión entre a Universidade e os sectores produtivos do noso país". Logo desta reunión tivo lugar un encontro co Consello de Reitores de Universidades Portuguesas (CRUP) e a intervención do asesor do Gabinete do Comisario de Educación, Cultura, Xuventude e Deporte da Comisión Europea, Rodrigo Ballester.
Xa o xoves 29, ademais dunha xuntanza do Comité Permanente de CRUE, está prevista a participación dos reitores en Spin 2016, o maior evento iberoamericano de emprendemento universitario que se celebra en Santiago ata o día 1 de outubro.
Constituída en 1994 e formada por un total de 76 universidades españolas, Crue Universidades Españolas é o principal interlocutor das universidades co goberno central e desempeña un papel clave en todos os desenvolvementos normativos que afectan á educación superior en España. Ademais, promove iniciativas de distinta índole co fin de fomentar as relacións co tecido produtivo e social, as relacións institucionais, tanto nacionais como internacionais, e traballa para poñer en valor a universidade española.
Fotografía: Gabinete de Comunicación de la Universidad de Santiago de Compostela (USC)
O presidente da Xunta, Alfonso Rueda, anunciou hoxe a posta en marcha dun programa específico para reducir o abandono escolar centrado en varóns e na poboación inmigrante sen educación secundaria de segunda etapa, é dicir, que non contan con títulos superiores ao de ESO. O responsable do Executivo autonómico apuntou que a redución do abandono escolar é un 'importantísimo asunto de carácter estrutural no que a Xunta está embarcada hai tempo'. Aínda que indicou que 'imos polo bo camiño', lembrando que Galicia pechou 2025 cunha taxa do 10,4%, case tres puntos por debaixo da media estatal, sinalou que 'non podemos conformarnos nin moito menos'. Así, lembrou que a taxa de abandono educativo temperán é case o dobre nos homes (13,5%) ca nas mulleres (7,2%), polo que o Goberno galego está a intensificar as medidas especiais sobre eles.
O XIII Carballo Interplay desenvolverá do 16 ao 19 de abril un programa de 32 actividades arredor da creación dixital contemporánea, das series en pequeno formato, a cultura de internet e a reflexión sobre os novos modos de comunicar na rede. O certame reforza este ano a presenza do galego como lingua de creación, conversa e pensamento no ecosistema dixital, cunha programación específica arredor dos contidos no noso idioma nas RRSS, accións formativas para a mocidade, premios dirixidos a recoñecer o talento que crea na nosa lingua e novas oportunidades para a produción de proxectos.
