miércoles, 15 de abril de 2026
Nota de prensa del Gabinete de Comunicación del Ayuntamiento de Santiago:
Un ano máis, a noite do 24 de xullo volveu congregar a milleiros de persoas nas rúas de Compostela para presenciar, dende a praza do Obradoiro ou dende outros puntos da cidade, os tradicionais Fogos de Apóstolo. Santiagueses e visitantes gozaron dunha intensa sesión pirotécnica, que completou un espectáculo audiovisual que repasou parte da historia e dos personaxes ilustres da cidade.
Os últimos dez minutos do espectáculo foron exclusivamente de lanzamentos pirotécnicos, o que permitiu o seu visionado dende diversos puntos da cidade. Ata ese momento combináronse as proxeccións audiovisuais -novamente sobre o Pazo de Raxoi a causa das obras na Catedral- coa música e con algúns momentos pirotécnicos.
Esta parte audiovisual dos Fogos dividiuse en catro bloques. No primeiro falouse das orixes de Compostela e da Catedral, a segunda foi unha alegoría do Apóstolo, a terceira representou un paseo astral por Santiago, e a última fixo un repaso por persoeiros ilustres de Compostela. Estas proxeccións audiovisuais combináronse con escenas teatralizadas nas que participaron 25 figurantes.
O espectáculo audiovisual repetirase na praza do Obradoiro os días 25, 26 e 27, a partir das doce da noite. Ademais, o día 31 haberá os tradicionais fogos fin de festa, cun espectáculo piromusical de 20 minutos no que se combinarán os fogos artificiais cunha banda sonora composta por temas de todos os estilos e todas as épocas.
Fotografía 1: Gabinete de Comunicación del Ayuntamiento de Santiago
Fotografía 2: CRTVG
O xornalista galego de elDiario.es José Precedo, que defendeu o dereito ao segredo xornalístico ante o Tribunal Supremo, é o gañador do XXII Premio Xornalistas de Liberdade de Prensa, convocado polo Colexio Profesional de Xornalistas de Galicia coa colaboración do Concello de Pontevedra. Precedo recibirá o premio en Pontevedra o vindeiro 9 de maio na Casa Consistorial. A sala de prensa do Concello de Pontevedra acolleu o anuncio da candidatura gañadora da vixésimo primeira edición do Premio Xornalistas de Liberdade de Prensa, organizado polo Colexio Profesional de Xornalistas de Galicia coa colaboración do Concello de Pontevedra. O acto contou coa presenza do alcalde Miguel Anxo Fernández Lores, a decana do Colexio Belén Leal e o secretario do premio Darío Janeiro.
Esta edición do Encontro de Artes Novas contará coa participación de talentos recoñecidos como a escritora, comisaria e podcaster Sonia Fernández Pan, que realiza desde 2021 a serie de podcasts The Tale and The Tongue co Instituto de Arte, Xénero e Natureza da Escola Superior de Deseño e Arte de Basilea. Ou a dupla artística Clo-Plas, unha proposta sonora única e radical da poeta e xornalista Xiana Arias e o artista e investigador Berio Molina, que fusionan versos e electro-pop minimalista coa oralidade popular da Fonsagrada. O programa inclúe tamén cunha conversa co profesor e investigador en Filosofía da Tecnoloxía, Pablo Sanguinetti, autor do libro Tecnohumanismo. Por un diseño narrativo y estético de la inteligencia artificial e de numerosos artigos académicos e divulgativos sobre a intersección entre tecnoloxía, humanidades e creatividade.
