sábado, 24 de octubre de 2026
Nota de prensa del Gabinete de Comunicación de la Xunta de Galicia:
O cine ao aire libre chega por primeira vez á praza central da Cidade da Cultura da man de Atardecer no Gaiás, o ciclo de concertos e cine ao aire libre co que a Consellería de Cultura, Educación e Ordenación Universitaria lle pon banda sonora aos solpores do verán.
Como novidade na edición deste ano, a Cidade da Cultura proxectará mañá, 14 de xullo, Taking Woodstock, filme dirixido por Ang Lee. A praza central converterase durante 120 minutos nun cine ao aire libre no que gozar das peripecias de Elliot Tiber, protagonista desta versión libre do nacemento do festival máis famoso da historia. Previamente, a partir das 21:00 horas, o público poderá gozar cunha sesión musical temática relacionada coa película a cargo de DJ Bigote Mix.
Tras a sesión de cine, Atardecer no Gaiás volve á música o venres, 15 de xullo, coa actuación da banda galega Bifannah.
Bifannah son o resultado de mesturar a cadencia dos 60's, moody garage e a tropicalia do séxulo XXI. Formada por Antía Figueiras, Guille V. Zapata e Antón Martínez (ex membros de Wild Balbina, Mvnich ou Avispa), Bifannah nace a medio camiño entre UK, Barcelona e Galicia na primavera de 2015. A banda ofrece melodías extremadamente namoradeiras, amparadas na psicodelia e o garage dos setenta dun modo etéreo e atmosférico. Cancións reflexo da súa querenza polo jazz, o fuzz e a psicodelia partindo da lusofonía atlántica.
A última das actuacións desta semana terá lugar o sábado, 16 de xullo, cando se suba ao escenario Selvática. A enerxía e a vitalidade de Brasil converxen a perfección en Selvática, o dúo formado por Manu e Paula (ex Indómitos) que axuntan na súa música o pop con ecos do post-punk, guitarras surfeiras e, por suposto, matices tropicais e ritmos acelerados.
Todas as sesións de Atardecer no Gaiás teñen lugar ás 21:00 horas na praza central. A entrada é libre e de balde.
Fotografía: Gabinete de Comunicación de la Xunta de Galicia
Foi inaugurada no Museo do Pobo Galego a exposición 'Transfronteiriza', da artista e cineasta tudense Diana Gonçalves, que permanecerá aberta ao público ata o 28 de marzo de 2027. A mostra parte do documental 'Mulleres da Raia', da mesma autora, e froito de tres anos de investigación. A través da linguaxe cinematográfica, de materiais documentais, arquivos históricos e elementos patrimoniais, a proposta constrúe unha experiencia arredor da memoria compartida entre Galicia e o norte de Portugal. En concreto, Transfronteiriza recupera a memoria das mulleres que viviron na fronteira entre ambos territorios a mediados do século XX, que desempeñaron un papel fundamental no comercio transfronteirizo e na supervivencia económica das familias.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
