sábado, 24 de octubre de 2026
Nota de prensa del Gabinete de Comunicación de la Xunta de Galicia:
A Xunta de Galicia lamenta o pasamento do escritor Agustín Fernández Paz, un dos autores máis coñecidos e valorados no ámbito da literatura infantil e xuvenil en Galicia e no conxunto de España.
Nesta liña, o presidente da Xunta, Alberto Núñez Feijóo, destacou do escritor a súa contribución á cultura galega e a súa implicación e compromiso na tarefa de crear unha literatura xuvenil de calidade en galego. Tamén agradeceu a contribución dos seus textos ao traballo educativo nas aulas galegas nas últimas décadas.
Nado en Vilalba en 1947, ademais de Perito Industrial Mecánico, foi mestre e licenciado en Ciencias da Educación. Un oficio, o de docente de primaria e secundaria, que compaxinou durante máis de trinta anos coa súa ampla actividade cultural e divulgativa.
Agustín Fernández Paz é un autor prolífico, con máis de cincuenta títulos. Os seus libros, escritos en galego, foron traducidos a diversas linguas como o castelán, catalán, éuscaro, portugués, coreano, búlgaro, inglés, ou chinés entre outros; e gozan do aprecio da crítica e dos lectores.
Nese sentido, cómpre lembrar que as súas obras mereceron as máximas distincións literarias, foi galardoado ata en dúas ocasións como o mellor autor do ano, no 2004, pola Federación de Libreiros de Galicia e no 2007, pola Asociación Galega de Editores. Tamén recibiu o premio ao mellor libro de LIX do ano, da AELG e o seu libro O único que queda é o amor obtivo en 2008 o Premio Nacional de Literatura Infantil y Juvenil que concede o Ministerio de Cultura de España. Ademais, en xaneiro de 2013 foi investido Doutor Honoris Causa pola Universidade de Vigo.
A súa figura e obra tamén foron recoñecidas internacionalmente. No ano 2011, foille outorgado en México o VII Premio Iberoamericano SM de la Literatura Infantil y Juvenil, en homenaxe á súa traxectoria literaria. E obtivo catro designacións, promovidas pola OEPLI, ao Astrid Lindgren Memorial Award, nos anos 2008, 2009, 2010.
Fotografía: Gabinete de Comunicación de la Xunta de Galicia
Foi inaugurada no Museo do Pobo Galego a exposición 'Transfronteiriza', da artista e cineasta tudense Diana Gonçalves, que permanecerá aberta ao público ata o 28 de marzo de 2027. A mostra parte do documental 'Mulleres da Raia', da mesma autora, e froito de tres anos de investigación. A través da linguaxe cinematográfica, de materiais documentais, arquivos históricos e elementos patrimoniais, a proposta constrúe unha experiencia arredor da memoria compartida entre Galicia e o norte de Portugal. En concreto, Transfronteiriza recupera a memoria das mulleres que viviron na fronteira entre ambos territorios a mediados do século XX, que desempeñaron un papel fundamental no comercio transfronteirizo e na supervivencia económica das familias.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
