jueves, 16 de abril de 2026
Nota de prensa del Gabinete de Comunicación del BNG:
O BNG levará á Xunta de Portavoces do Parlamento a inmediata solicitude para modificar a orde do día do vindeiro Pleno e incluír a proposta de creación dunha comisión de investigación sobre as causas que provocaron o accidente do Alvia, tras coñecer o demoledor informe da UE que denuncia a falta de independencia da investigación auspiciada polo Ministerio de Fomento e demanda a reapertura do caso.
Non podemos pechar esta lexislatura sen que haxa unha comisión de investigación no Parlamento galego porque é unha débeda moral, ética e política que temos coas vítimas e co conxunto da sociedade galega, salientou a portavoz nacional, Ana Pontón, quen convidou ao presidente da Xunta a que, por unha vez, deixe de estar do lado da mentira.
Feijóo estivo sempre do lado da mentira e da ocultación, sempre votou non a unha comisión de investigación e sempre asumiu o relato oficial do PP. Se quere xustiza, como di agora, que deixe de esconderse baixo comisións de investigación fraudulentas e a baixo mentiras de Estado, que o demostre pedindo a dimisión dos responsables políticos e votando a favor da comisión de investigación no Parlamento galego, reclamou Pontón.
Tras as contundentes conclusións do informe da UE, o BNG pon sobre a mesa tres demandas moi concretas: dimisión da actual ministra de Fomento, Ana Pastor, e do seu predecesor, José Blanco, o cese de todos os integrantes da Comisión de Investigación da Axencia Ferroviaria (CIAF), acusados de parcialidade e falta de colaboración na investigación, e a creación dunha comisión parlamentaria tanto na Cámara galega como no Congreso.
Á hora de falar de responsables políticos, o BNG pon nome e apelidos, José Blanco e Ana Pastor, cómplices dunha investigación fraudulenta. Sen dicir nunca que teñen as mans manchadas de sangue por acción ou omisión, si pensamos que por decencia deberían dimitir ou ser cesados, demandou Pontón, espero que por riba non teñan a indecencia de acusarnos de uso partidista do accidente polo feito de reclamar o que sería normal en calquera lugar civilizado: que deixen de escorrer o vulto e asuman responsabilidades.
O portavoz parlamentario, Francisco Jorquera, explicou que o BNG xa demandou por escrito unha reunión extraordinaria da Xunta de portavoces e confía que o PP non volva vetar a creación dunha comisión, -por cuarta vez-, amparándose en escusas de mal pagador. Se hai vontade política, nada impide que se poña en marcha e se inicien os seus traballos nesta mesma lexislatura para darlle continuación na seguinte, nun asunto de tanta transcendencia pública, subliñou.
Pontón inicio a comparecencia renovando o compromiso do BNG coas vítimas, ata o final, e cun recoñecemento á extraordinaria labor da portavoz en Bruxelas, Ana Miranda, abrindo á porta das institucións europeas as vítimas, coa viaxe auspiciada polo BNG e encontros cos responsables comunitarios en seguridade ferroviaria, onde se fraguou o compromiso de elaboración do informe, a posterior presión política para conseguir a difusión dun documento que pode ser un revulsivo para esclarecer as causas do accidente de Angrois e adoptar as medidas para que nunca máis poda suceder.
Con toda humildade, pero con toda clareza, deberían tomar nota os 60 eurodeputad@s españois aos que Ana lles saca as cores co seu traballo, incluídos os tres galegos. Para que serviron os seus escanos neste caso?, interpelaba Pontón, salientando que aínda cun escano parcial fixo máis por esclarecer a verdade e apoiar ás vítimas que todos os demais xuntos, concluíu.
Fotografía: Gabinete de Comunicación BNG
A Mostra Internacional de Teatro Cómico e Festivo de Cangas acordou conceder o Premio Xiria ao Labor Teatral 2026 ao actor Antonio Durán Morris (Vigo, 1959). A organización da Mostra outorga este galardón en recoñecemento á súa dilatada traxectoria profesional, tanto no eido da comedia como do drama, 'cunha capacidade creativa excepcional que lle permite interpretar personaxes complexos ou populares e conmover aos públicos máis diversos'. O actor recibe cunha 'alegría tremenda' este galardón, 'sobre todo vindo de xente que comparte o camiño que eu recorrín'.
A débeda pública de Galicia representa só 3,52 % do total da débeda do conxunto das comunidades, o mellor dato de toda a serie histórica, que comeza no ano 1994. Ademais, a ratio de débeda PIB galega sitúase no 13,9 %, fronte ao 20,2 % da media autonómica e por baixo das previsións iniciais contidas nos Orzamentos 2025, que eran do 14,1 %. Tamén desde o ano 2020 Galicia formaliza unha parte cada vez máis significativa do seu endebedamento en formato sustentable, a través de préstamos e emisións de bonos.
