domingo, 27 de septiembre de 2026
Nota de prensa del Gabinete de Comunicación del BNG:
O BNG considera que o informe elaborado pola Comisión Europea é demoledor e pode dar un xiro de 180 grados á hora de establecer responsabilidades e de esclarecer os feitos do tráxico accidente de Angrois, ao concluír que a investigación do sinistro careceu de independencia, que non houbo colaboración por parte de Renfe e Adif e ao solicitar a reapertura do caso.
O informe é demoledor, e espero que sexa un paso decisivo cara a esclarecer a verdade e as responsabilidades políticas e xurídicas, por respecto ás vítimas e ao conxunto da sociedade galega, explicou a portavoz en Bruxelas, Ana Miranda, que non agochaba a emoción polo traballo feito polo BNG, desde todas as institucións sempre a carón das vítimas, tras saír da reunión co responsable de Seguridade Ferroviaria, Herald Ruijters, e con Josef Doppelbauer, director executivo da Axencia de Seguridade Europea.
Nese encontro, o BNG e representantes da Plataforma de vítimas do Alvia recibiron o informe e as explicacións por parte dos responsables de seguridade ferroviaria da Comisión Europa. Á vista das conclusións do documento da UE, a ministra de Fomento, Ana Pastor, debe dimitir, e con ela todos os responsables de seguridade ferroviaria no Estado español, reclamou Miranda.
O documento elaborado pola Axencia de Seguridade Europea (ERA), cumprindo o compromiso adquirido co BNG e coa Plataforma de víctimas foi entrado esta tarde á portavoz en Bruxelas do Bloque, Ana Miranda, e a unha representación das vítimas, poñendo fin a dous meses de demora na difusión do informe por presión do Estado español, o que motivou a interposición de recurso en base á normativa de transparencia comunitaria.
Nun documento de doce folios a Comisión Europea deixa por escrito catro conclusións moi claras:
1ª Que a composición da comisión de investigación de accidentes ferroviarios non aseguraba a necesaria independencia, dándolle a razón ás voces que, como o Bloque, viñan denunciando este feito.
2ª Subliña que a investigación centrouse só na causa directa do sinistro, un erro humano-, pero non obvia outras causas, -trazado da ruta, sistemas de seguridade, etc-, que non foron tidas en conta, desmentindo así que non exista máis responsabilidade que a atribuída ao maquinista.
3º A falta de colaboración de Renfe, Adif, Ideco e funcionarios da DGF do Ministerio de Fomento, ao negarse a contestar preguntas relacionadas coa investigación, desmentindo pola vía dos feitos a suposta colaboración das autoridades e organismos implicados na xestión ferroviaria do Estado.
4ª Incumprimento da Directiva Europea de Seguridade Ferroviaria (artículos 21 e 19) no que se refire á requirida independencia que deben ter as comisións de investigación de accidentes ferroviarios graves nos Estados membros, a CIAF no caso español.
Con estes argumentos e tendo en conta a gravidade do accidente, o informe da Comisión Europea conclúe que a investigación do accidente do Alvia que custou a vida a 80 persoas e causou numerosos feridos non reuniu a independencia que se establece na Directiva de Seguridade Ferroviaria e, por tanto, debería ser reaberta, e desta vez si, cunha comisión de investigación de independencia.
Fotografía 2: Gabinete Comunicación BNG
Jannis Kounellis é un dos artistas fundamentais da historia da arte da segunda metade do século XX. Foi obxecto de grandes exposicións retrospectivas na Fondazione Prada, Venecia (2019), e no Museo Jumex, Cidade de México (2023). Entre as súas exposicións individuais institucionais destacan as do Musée dArt Moderne de la Ville de Paris (1980), Whitechapel Gallery, Londres (1981), Castello di Rivoli, Turín (1988), Stedelijk Museum, Ámsterdam (1990), Museo Nacional Centro de Arte Reina Sofía, Madrid (1996), Albertina, Viena (2005), Neue Nationalgalerie, Berlín (2007), MACRO, Roma (2016), Walker Art Center, Minneapolis (2022) e Museo Jumex, Cidade de México (2023).
O calendario de Programación Kármica arranca este 25 de setembro con Taïn na Sala Guión de Pontedeume. A seguinte cita será o 16 de outubro, con Camellos e Cora Yako en La Conservera de Viveiro, mentres que o 24 de outubro actuarán Javier Lago e Santi Araújo na Pousada da Galiza Imaxinaria de Boiro. O ciclo chegará precisamente á sala que acolle hoxe a súa presentación, A Cofradía de Vilanova de Arousa, o 27 de novembro, coas actuacións de Montedapena e Nuntia. O programa de 2026 pecharase o 26 de decembro na Pousada da Galiza Imaxinaria con Portosanto e Hermanos Visi.
