jueves, 16 de abril de 2026
Nota de prensa del Gabinete de Comunicación del BNG:
A Comisión Europea accedeu finalmente á petición do BNG de dar a coñecer o informe elaborado pola Dirección Xeral de Transporte comunitario en relación ao accidente do tren Alvia en Angrois, tras a reiterada insistencia e as reclamacións da forza nacionalista.
Na sede do Executivo da UE, a portavoz do Bloque en Bruxelas, Ana Miranda, coñece o contido do documento da man do responsable de Seguridade Ferroviaria, Herald Ruijters, e de Josef Doppelbauer, director executivo da Axencia de Seguridade Europea (ERA).
Na cita tamén estarán representantes da Plataforma de vítimas, ás que o BNG apoio en todo momento incluíndo a organización dunha viaxe á capital comunitaria con encontros ao máximo nivel que están na orixe do informe que agora se dará a coñecer.
Tras esa viaxe auspiciada polo Bloque no pasado mes de novembro de 2015, a Comisión Europea comprometerase co BNG e cos representantes das vítimas a elaborar un informe, -encargado á ERA-, sobre o accidente do Alvia, tras admitir ter recibido datos adicionais de gran importancia, e co compromiso de entrega en maio de 2016. Pero, sorprendentemente, a Comisión negouse a facilitar o informe por considerar que podía afectar a unha investigación en curso contra o estado español por incumprimento da Directiva de Seguridade Ferroviaria. A través da portavoz en Europa, Ana Miranda, o BNG presentou un recurso ante a Unidade de Transparencia da Comisión Europea, que tivo como resposta a confirmación de que adiaba a entrega do informe.
Unha demora que Miranda atribúe a presións do Estado español e que motivou que de novo no pasado mes de xuño, o BNG volvese reclamar o informe á Comisión Europea. Finalmente, o Executivo comunitario trasladará o documento na reunión prevista para maña con Ana Miranda e unha representación das vítimas.
A Mostra Internacional de Teatro Cómico e Festivo de Cangas acordou conceder o Premio Xiria ao Labor Teatral 2026 ao actor Antonio Durán Morris (Vigo, 1959). A organización da Mostra outorga este galardón en recoñecemento á súa dilatada traxectoria profesional, tanto no eido da comedia como do drama, 'cunha capacidade creativa excepcional que lle permite interpretar personaxes complexos ou populares e conmover aos públicos máis diversos'. O actor recibe cunha 'alegría tremenda' este galardón, 'sobre todo vindo de xente que comparte o camiño que eu recorrín'.
A débeda pública de Galicia representa só 3,52 % do total da débeda do conxunto das comunidades, o mellor dato de toda a serie histórica, que comeza no ano 1994. Ademais, a ratio de débeda PIB galega sitúase no 13,9 %, fronte ao 20,2 % da media autonómica e por baixo das previsións iniciais contidas nos Orzamentos 2025, que eran do 14,1 %. Tamén desde o ano 2020 Galicia formaliza unha parte cada vez máis significativa do seu endebedamento en formato sustentable, a través de préstamos e emisións de bonos.
