sábado, 2 de mayo de 2026
Nota de prensa de A Mesa Pola Normalización Lingüística:
A Mesa pola Normalización Lingüística presentou en Santiago a App A Liña do Galego, coa que melloran o servizo de asesoramento, queixas e parabéns, que a entidade en defensa da lingua presta de xeito gratuíto desde 2007.
O obxectivo deste aplicativo é proporcionar unha nova forma de comunicación coa Liña do galego, que permita o envío de queixas e parabéns dunha forma sinxela, rápida, segura e cómoda. Unha ferramenta destinada a persoas que fan a elección de vivir en galego, que queren atopar o galego en calquera lugar, que sosteñen o desexo de vivir en galego e que queren mostrar as dificuldades para avanzar mais tamén recoñecer e arroupar quen co seu esforzo, e sen ningún tipo de colaboración da administración, fai que o galego exista.
O aplicativo pode ser descarregado da Play Store e da Apple Store. Unha vez descarregado, a usuaria ou usuario ten que se rexistrar. Para o envío de queixas e parabéns só hai que cubrir un sinxelo formulario e adxuntar fotografía, arquivo ou documento. Aínda que a Mesa non admite denuncias anónimas, garante a confidencialidade e anonimato de todos os datos.
A presentación tivo lugar no espazo enocultural Vide, Vide! de Santiago, ao que A Mesa recoñeceu polo seu uso normal do galego xunto a diferentes marcas de viño. O presidente da entidade, Marcos Maceira, agradeceu a existencia do aplicativo en primeiro lugar aos case 5000 socios e socias da Mesa que mateñen vivo o proxecto de activismo a favor da lingua galega, co seu esforzo persoal e tamén coas principais achegas económicas que permiten a existencia de iniciativas tan importantes como A Liña do galego.
En segundo lugar Maceira destacou ás únicas entidades públicas que en maior ou menor medida colaboran co traballo da Mesa, os concellos de Allariz, Arzúa, A Capela, Manzaneda, A Pobra do Brollón, Poio, Pontecesures, Rianxo, San Sadurniño, Teo e Pontevedra.
Por último resaltou a calidade da App grazas ao traballo de Imaxin Software, empresa qu tamén destaca polo compromiso lingüístico no ámbito das novas tecnoloxías.
Segundo indicou ferramentas como a Liña do galego son imprescindíbeis para visibilizar a situación real do galego, axudar que axuda á normalidade da lingua, mais tamén denunciar que só poñen atrancos, exclúen e discriminan quen só utiliza a súa lingua no seu país. Sinalou tamén que a inexistencia de axuda ou colaboración pública, agás os concellos mencionados, a servizos gratuítos de apoio á lingua como este é un caso único nos territorios con lingua propia oficial.
A Mesa, a través da Liña do galego, tramitou case 200 expedientes, maioritariamente de queixa por vulneración de dereitos lingüísticos, coas que elaborou o informe da Liña do Galego que xa foi presentado a organismos internacionais como o Consello de Dereitos da ONU, o Consello de Europa, ou recentemente no Parlamento Europeo.
Segundo afirmou o presidente da Mesa, a esta altura de ano,a Mesa xa igualou a cantidade de expedientes de todo o 2015, o que demostra que cada vez exite máis conciencia dos dereitos lingüísticos, das discriminacións e da necesidade de ferramentas colectivos como A Mesa para garantir o uso normal do galego.
Fotografía: A Mesa Pola Normalización Lingüística
CiberLabFP configúrase como un espazo de aprendizaxe, experimentación e desenvolvemento de competencias en contornos reais que integran tecnoloxías da información (IT) e de operación (OT) para así adaptar a Formación Profesional aos novos escenarios de transformación dixital. Entre as súas funcionalidades destacan a formación especializada do profesorado, a simulación de ciberataques e defensa en contornos virtuais, a análise forense industrial ou a validación de sistemas. Ademais, contará cunha estación móbil que permitirá levar a tecnoloxía a centros educativos e realizar demostracións en empresas e feiras.
Celebrouse hoxe a sesión constitutiva do Foro do Litoral de Galicia, que será o máximo órgano colexiado de consulta e participación do conxunto da sociedade co fin de optimizar a xestión e ordenación da costa galega. Nel están representadas a Administración autonómica e as locais así como os sectores social, científico, económico e medioambiental e as entidades implicadas na protección do patrimonio natural co fin último de garantir unha gobernanza que permita unha participación suficiente de todos os sectores da sociedade interesados no litoral. A constitución do foro facilitará a partir de agora facer un seguimento das normas, políticas e instrumentos do litoral.
