miércoles, 12 de agosto de 2026
Nota de prensa del Gabinete de Comunicación del PSdeG:
O PSdeG pon a disposición dos 10.376 militantes do partido e de Xuventudes Socialistas con dereito a voto case 200 centros de votación repartidos por toda Galicia para participar no proceso de primarias que decidirá o candidato socialista á Xunta entre José Luis Méndez Romeu e Xoaquín Fernández Leiceaga.
En concreto serán 189 centros, repartidos entre sedes socialistas locais e centros públicos. Delas, 65 estarán na provincia de A Coruña, 51 en Lugo, 22 en Ourense e 51 en Pontevedra. As agrupacións con menos de 10 militantes votarán nas mesas designadas noutros concellos cercanos.
O horario de votación nas cidades e nas agrupacións con maior número de militantes será o sábado 28 de maio entre as 10.00 e as 20.00 horas, pero na gran maioría estará habilitado ben horario só de mañá, de 10.00 a 14.00 horas, ou só de tarde, de 16.00 a 20.00 horas. A militancia pode consultar o centro de votación que lle corresponde e o horario de apertura das mesas a través das súas agrupacións ou no apartado de primarias da web do PSdeG http://www.psdeg-psoe.com/primarias/
Cada militante poderá votar unicamente no centro asignado á localidade no que está inscrito como afiliado, salvo as persoas que tivesen pedido en prazo o desprazamento do voto. As mesas electorais estarán formadas por unha presidencia e dúas vogalías, con dous suplentes para cada un dos postos da mesa. As dúas candidaturas poden contar con interventores e apoderados nas mesas para garantir a limpeza do proceso. Para exercer o dereito a voto será necesario presentar o DNI, carné de conducir ou pasaporte. A votación será presencial, secreta e en furna, e deberá habilitarse un espazo apartado ou cabina coas papeletas das dúas candidaturas para garantir o exercizo secreto do voto en furna- (A normativa completa pode ser consultada tamén na web http://www.psdeg-psoe.com/primarias/)
Fotografía: Gabinete de Comunicación del PSdeG
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
