miércoles, 12 de agosto de 2026
Nota de prensa del Gabinete de Comunicación del BNG:
Para ter voz propia é o lema de campaña co que BNG-NÓS recolle o sentir de miles de galegos e galegas fartas e desencantadas tras constatar que Galiza quedou muda e desaparecida tras o 20D, e lanzar a mensaxe de que a única garantía para recuperar esa voz no Congreso é con representación desta candidatura de país.
Eliximos Para ter voz propia porque nunca máis queremos que Galiza volva quedar muda e desaparecida como nestes meses de teatrillo político dos vellos e dos novos, e sabemos que hai miles de persoas que quedaron fartas e van converter o fracaso das forzas estatais nunha oportunidade para Galiza, explicou a directora de campaña Goretti Sanmartín, quen tamén fixo fincapé en que nun escenario sen maiorías absolutas a representación que obteña BNG-NÓS pode ser clave para conformar o goberno do Estado e iso nos daría unha forza inmensa para defender á xente deste país.
Se algo se constatou ao longo destes catro meses de postureo é que Galiza non entra na axenda nin nas prioridades das forzas estatais, e quedou evidente que só se o BNG está, Galiza está, explicou o secretario de Comunicación, Rubén Cela, quen anunciou unha campaña electoral de porta a porta.
Unha idea na que afondou Sanmartín: Queremos que Galiza deixe de ser despensa de votos para forzas políticas que non nos teñen en conta, dixo, é fundamental que as urxencias do país estean no debate do Estado, porque os problemas dos que non se fala, non se solucionan.
Para Cela, o 26X son uns novos comicios nos que os e as votantes van sopesar a diferencia entre que o BNG este ou non, e por iso temos toda a confianza en superar o resultado das pasadas eleccións e temos a confianza de que Galiza terá voz propia a través de deputados e deputadas do Bloque.
O secretario de Comunicación deixou claro que os votos a BNG-NÓS valen dobre na defensa de Galiza e para sumar na derrota do PP. Se hai algo que teñen claro os galegos e as galegas e que, do que dependa do BNG, o PP non vai seguir gobernando nin no Estado, nin en Galiza, porque as súas políticas foron desastrosas para o noso país. Polo tanto, os votos ao Bloque valerán para devolverlle voz a Galiza e tamén para derrotar ás políticas da dereita, aquí e no Estado.
Preguntado polos medios, Cela considera que a renuncia de En Marea a ter grupo galego no Congreso repetindo a forma de coalición do 20D é unha mostra de claudicación e de sucursalismo. Ao final os deputados de Marea van ser a delegación galega de Podemos, lamentou.
BNG-NÓS desenvolverá unha campaña de proximidade, á pé de rúa, de porta a porta, baseada no traballo e a entrega da militancia e simpatizantes, sen pedir un euro aos bancos e renunciando ao envío masivo de papeletas con recursos públicos, algo que convidamos a facer ao resto das forzas políticas porque supón un importante aforro de cartos, concluíu o secretario de Comunicación.
Fotografía: Gabinete de Comunicación del BNG
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
