domingo, 27 de septiembre de 2026
Nota de prensa del Gabinete de Comunicación del CPXG:
A Facultade de Ciencias da Comunicación da Universidade de Santiago de Compostela (USC) acolleu a presentación da primeira edición da bolsa Nacho Mirás, organizada e desenvolvida polo Colexio Profesional de Xornalistas de Galicia e patrocinada por Abanca, coa colaboración da Facultade. A iniciativa, que conta cunha dotación económica de 5.000 euros, apoiara proxectos xornalísticos de novos titulados en Xornalismo ou Comunicación Audiovisual. A recepción de propostas está aberta até o 30 de xuño de 2016.
O acto comezou coa intervención de Xosé Ramón Pousa, decano da Facultade de Ciencias da Comunicación da USC, quen salientou o carácter emblemático de Nacho Mirás como xornalista e como profesor do centro durante seis anos: A profesión hai que reinventala e Nacho fixo moito por iso. Por esta razón, anunciou que a facultade iniciou os trámites para que a aula de informática número 2 leve o seu nome.
Isaac González Toribio, Director de Comunicación e Relacións Institucionais de Abanca, afirmou que Abanca, dentro da súa política de responsabilidade social corporativa, ten unha preocupación por que os novos atopen oportunidades nos seus lugares de procedencia. A esta inquietude, centrada no xornalismo que está pasando por unha etapa crítica quere dar resposta a convocatoria desta bolsa.
O decano do Colexio Profesional de Xornalistas de Galicia, Xosé Manuel Pereiro, agradeceu a presenza da compañeira de Nacho Mirás, Ainhoa Apestegui, e asegurou que, desde o primeiro momento, a Xunta de Goberno do CPXG quería facer algo na memoria do xornalista falecido. Pereiro sinalou que nunha época moi mala para vivir do xornalismo pero, ao mesmo tempo, moi boa para facelo, a creación desta bolsa pode axudar aos novos profesionais a abrise camiño. O decano afirmou que a idea destas bolsas reforzase pola memoria de quen sempre defendeu a súa valía, o espírito de facerse valer, de formarse o máximo posible e defender así o posto de informador.
Pereiro presentou tamén as bases da bolsa. Poderán concorrer a esta convocatoria titulados nos últimos anos (2016, 2015, 2014 ou 2013) en Xornalismo ou Comunicación Audiovisual, con proxectos inéditos e sen ningún outro tipo de financiamento nin privado nin público. As propostas poden ser de traballos xornalísticos de calquera xénero, iniciativas para un novo medio ou proxectos que teñan como finalidade a información e a comunicación. A bolsa ten unha dotación de 5.000 euros, que poderá ser dividida se o xurado o considera.
A recepción de propostas está aberta até o 30 de xuño de 2016. As persoas interesadas deben enviar por correo electrónico a xornalistas@xornalistas.gal o formulario de inscrición, unha descrición do proxecto e cronoloxía de traballo, o orzamento estimado e unha nota sobre o autor ou autores, que poderá acompañarse dun breve currículo de cada un de eles. Valorarase que o proxecto se materialice en galego, ser membro do Colexio Profesional de Xornalistas de Galicia, que poida supor unha solución profesional para os solicitantes, a viabilidade de futuro do proxecto, a orixinalidade, a amplitude xeográfica do proxecto, o traballo en equipo e a documentación da memoria.
Fotografía y más información en: http://www.xornalistas.com/novas-eventos/eventos-plus/bolsa-nacho-miras-para-novos-titulados/
Jannis Kounellis é un dos artistas fundamentais da historia da arte da segunda metade do século XX. Foi obxecto de grandes exposicións retrospectivas na Fondazione Prada, Venecia (2019), e no Museo Jumex, Cidade de México (2023). Entre as súas exposicións individuais institucionais destacan as do Musée dArt Moderne de la Ville de Paris (1980), Whitechapel Gallery, Londres (1981), Castello di Rivoli, Turín (1988), Stedelijk Museum, Ámsterdam (1990), Museo Nacional Centro de Arte Reina Sofía, Madrid (1996), Albertina, Viena (2005), Neue Nationalgalerie, Berlín (2007), MACRO, Roma (2016), Walker Art Center, Minneapolis (2022) e Museo Jumex, Cidade de México (2023).
O calendario de Programación Kármica arranca este 25 de setembro con Taïn na Sala Guión de Pontedeume. A seguinte cita será o 16 de outubro, con Camellos e Cora Yako en La Conservera de Viveiro, mentres que o 24 de outubro actuarán Javier Lago e Santi Araújo na Pousada da Galiza Imaxinaria de Boiro. O ciclo chegará precisamente á sala que acolle hoxe a súa presentación, A Cofradía de Vilanova de Arousa, o 27 de novembro, coas actuacións de Montedapena e Nuntia. O programa de 2026 pecharase o 26 de decembro na Pousada da Galiza Imaxinaria con Portosanto e Hermanos Visi.
