jueves, 10 de julio de 2025
Nota de prensa remitida por el Gabinete del BNG:
A portavoz nacional do BNG, Ana Pontón avanza que serán os Órganos de dirección do BNG os que avalíen e respondan á oferta de En Marea. A portavoz nacional do BNG, Ana Pontón afirmou hoxe que a proposta de Carolina Bescansa responde a unha cortina de fume para tapar a grave crise de En Marea e recalcou que o BNG non será a sucursal de Podemos nin parte do decorado electoral de Bescansa. Pontón explicou que o BNG leva demostrado ao longo da súa historia que propiciou gobernos alternativos ao Partido popular e nestes seis meses puidemos comprobar como Podemos non tiña esa mesma prioridade. Perderon cinco meses constatando con feitos que a súa prioridade non era desaloxar a Mariano Rajoy da Moncloa e os seus intereses partidistas estiveron por riba da defensa de esa consigna que agora axitan.
A portavoz nacional do BNG engadiu que o BNG, con toda cordialidade, pide a Podemos que rompa a pinza que ten co Partido popular no Concello de Pontevedra e propicie gobernos alternativos ao PP. Por outra parte, asegurou que o BNG ten un programa que vai moito máis alá que a proposta do desaloxo do Partido popular, un programa con propostas propias para dar solución á situación de emerxencia nacional que viven moitos galegos e galegas. Ademais, o BNG ten no seu ADN o dialogo e falar con todo o mundo pero iso non significará nunca converternos nunha sucursal de Podemos nin no escenario preelectoral da campaña da Sra. Bescansa.
Ana Pontón manifestou que Podemos ten unha estratexia de carácter estatal e nesa confluencia Galiza está desaparecida e sen voz polo que ante as eleccións xerais ábrese o reto de apostar por forzas propias que non sexan sucursalistas ás estratexias das direccións dos seus partidos en Madrid. Para poder defender con independencia e sen subordinación os intereses de todos os galegos e galegas necesitamos ter forzas políticas propias, a cuestión de fondo, enfatizou, é que exista un nacionalismo actuante e que nas eleccións do 26X os galegos e galegas temos unha segunda oportunidade para recuperar a voz propia do BNG no Congreso que durante vinte anos defendeu e deu a cara por Galiza. Neste sentido, engadiu que o propio Francisco Jorquera, no seu período como deputado en Madrid, falou moito máis no grupo mixto que calquera deputado subsumido nun grupo de carácter estatal.
Na comparecencia ante os medios de comunicación, o portavoz parlamentario do BNG, Francisco Jorquera anunciou cambios no grupo parlamentario no que resta de Lexislatura adiantando unha coportavocía na que a deputada Ana Pontón formulará as preguntas ao Feióo e Francisco Jorquera asumirá a coordinación do grupo parlamentario e a representación do BNG na Xunta de Portavoces. O cambio, dixo, é absolutamente natural e compartido polo grupo parlamentar do BNG porque Ana ten a responsabilidade de ser a máxima referente da política do BNG, é a nosa candidata á Presidencia da Xunta e a sociedade galega debe ter a oportunidade de contrastar nos debates parlamentarios o continuísmo que representa o Sr. Feijóo fronte á alternativa de futuro que encarna Ana Pontón.
Pola súa parte a deputada salientou o traballo intenso realizado durante todos estes anos por Francisco Jorquera destacando o seu rigor e seriedade pero sobre todo a súa firmeza na defensa dos intereses de todos os galegos e galegas. Ana Pontón concluíu a súa intervención cunha mención ao traballo de oposición de todo o grupo parlamentar cun pe na rúa e outro no Parlamento e tamén co reto ante un Feijóo que non ten xa nada que ofrecer a este país e que sigue utilizando a Xunta para a súa particular precampaña camuflando con medias sociais a verdadeira cara do seu goberno que antepuxo o cumprimento do déficit ante as necesidades das persoas.
Fotografía: Gabinete del BNG
O Festival Abanea celebrará entre o 16 e o 20 de xullo a súa cuarta edición cun programa de danza contemporánea de distintos estilos que distribuirá 15 funcións de nove compañías entre os concellos de Ames, Outes, Marín, Foz e Celanova. ISMO Cultura, colectivo organizador do encontro, estenderá así a súa actividade de exhibición e dinamización ás catro provincias. A bailarina Andrea Castro presentou a primeira fase do espectáculo Lola y los lamentos, como artista seleccionada para o acompañamento bienal 20252026 co que o festival apoia procesos de creación de artistas emerxentes e que nesta edición terá como resultado a estrea de 'A mona de seda'.
As diversas actividades do festival terán lugar do 28 de xullo ao 1 de agosto no claustro do Mosteiro de San Salvador de Celanova. A actuación que inaugurará a cita será a da Banda de Música de Celanova con James Morrison, un concerto único en España que terá lugar ás 20,30 horas. Ademais deste, subirán ao escenario a Boston Brass de Estados Unidos, Abraham Cupeiro coa Orquestra Gaos e pechará a edición o Hércules Brass Ensemble dirixido por Isabel Rubio e coa Boston Brass e Adam rapa como solistas. Así, os concertos complementaranse con cinco días de actividades formativas para un centenar de estudantes procedentes de distintas comunidades autónomas. Clases de alto nivel da man dalgúns dos participantes nas actuacións e un seguimento continuo e individualizado que garante un acompañamento pedagóxico para o alumnado que xa leva participado en varias edicións consecutivas do festival.
