miércoles, 12 de agosto de 2026
Nota de prensa remitida por el Gabinete de Comunicación de la Xunta de Galicia:
Anova-IN programa unha consulta interna sobre a fórmula xurídica de En Marea e as persoas de Anova a integrar nas listas nas novas eleccións. Fai un chamamento para que a cidadanía consciente acuda á Asemblea de En Marea convocada para o 15 de maio no Auditorio de Galiza de Compostela, co obxectivo de emprender unha apertura e democratización dese espazo político desde a participación directa, cidadá, desde abaixo, para así combater con máis eficacia as nefastas políticas do Partido Popular no Estado e en Galiza.
Para salvagardar o espazo de confluencia, e debido á cuestión burocrática de que o prazo de inscrición de coalicións remata o día 13 de maio, Anova-IN vese na obriga de asinar preventivamente a coalición En Marea antes de consultar a decisión sobre a fórmula xurídica ás súas bases. Malia isto, lembra que aínda queda prazo até o día 23 para poder escoller outra fórmula.
Anova-IN priorizou sempre a Unidade Popular e os espazos de confluencia, sendo En Marea un proxecto de continuidade co que se sente comprometida, mais entende que este debe ser democratizado e aberto a cidadanía galega, pois ese foi o compromiso adquirido o 20D.
É por isto que Anova-IN terá moi en conta o sentir da Asemblea do 15M de En Marea para adoptar unha decisión definitiva neste eido. En última instancia a decisión definitiva sobre a fórmula xurídica será tamén aprobada en consulta a vindeira semana pola militancia de Anova-IN.
Por outra banda, a Comisión Permanente de Anova, delegada pola Coordinadora Nacional e en coherencia cos postulados de democracia interna que rexen na organización, convocará para a semana vindeira un novo proceso de primarias para dilucidar os candidatos e candidatas a se integraren nas listas electorais de En Marea para as eleccións ás Cortes do Estado do 26X.
Neste eido concreto, os consensos internos de Anova, nos que imperan a democracia a irmandade e a igualdade, obrigan a facilitar que calquera militante poida optar a formar parte das diferentes convocatorias electorais. Dado que o vindeiro 26X, por mor de que a pasada lexislatura abortou prematuramente, nos enfrontamos a un proceso ex novo, no que se poden e de feito así está a acontecer mudar as candidaturas e as listas, Anova convocará doutra volta unha consulta interna con carácter vinculante.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
