sábado, 12 de julio de 2025
Nota de prensa del Gabinete de Comunicación del PPdeG:
O portavoz do Grupo Popular, Pedro Puy, afirmou que o Partido Popular aborda a nova convocatoria de eleccións xerais e os próximos comicios autonómicos coa satisfacción de ir facendo ben as cousas no ámbito da xestión pública, pero tamén no ámbito da xestión do partido, onde temos xa determinado tanto o candidato como as persoas que van a empezar a traballar tanto na rendición de contas como no programa electoral. Puy alertou que sería malo que a alternativa ao PP estivera encabezada por quen está nun extremo do espectro ideolóxico, que ademais ten dado mostras onde tivo responsabilidades de goberno de que non acaba de ser unha alternativa coherente, nin de goberno nin de xestión, senón máis ben todo o contrario.
Puy sinalou que a actualidade política vén marcada pola convocatoria de eleccións xerais para o vindeiro 26 de xuño, unhas eleccións que deberían de terse evitado e que non foi posible desde o momento que diversos grupos preferiron apostar por unha coalición alternativa a aquela que pivotase no Partido Popular como forza que tiña maior respaldo electoral.
Respecto das eleccións galegas, o portavoz popular avogou por manter o debate diferenciado sobre as nacionais e porque se celebren cando corresponde e con absoluta normalidade democrática, algo que desgraciadamente comeza a ser atípico na política española nestes momentos, como o demostra a repetición das eleccións xerais.
Neste sentido, Puy sinalou que neste momento estamos traballando para completar cuestións importantes que están pendentes antes de que remate a lexislatura, poñendo como exemplo a tramitación do Plan estratéxico da economía de Galicia ou a reforma da Lei da área metropolitana de Vigo. Non hai motivo político para o adianto das eleccións galegas, porque hai goberno con iniciativas e unha maioría estable que o apoia para continuar o traballo ata que remate a lexislatura, apuntou.
Pedro Puy referiuse ao Congreso que o Partido Popular de Galicia celebrará esta fin de semana en Ourense para designar o novo Presidente e candidato ás eleccións autonómicas. A diferenza do que ocorre noutros partidos, nós temos as cousas bastante claras en relación aos liderados e ás mensaxes que queremos transmitir sobre a situación da economía galega e o descenso progresivo do desemprego, sinalou.
Cuestionado sobre a posibilidade de que o PSOE se sitúe como terceira forza en Galicia, Puy lembrou que Galicia xa ten antecedentes neste sentido. Porén, amosouse prudente sobre os resultados da converxencia entre PODEMOS e Izquierda Unida, porque non sempre cando hai coalicións a suma matemática dos votos de cada un dos socios por separado da un total exacto no resultado definitivo.
Pensando na estabilidade política e na importancia de ver quen lidere a alternativa, o portavoz popular considerou positivo que as opcións de goberno pivoten sobre as forzas que están máis centradas. É malo para a sociedade que as alternativas de goberno tendan ao distanciamento no posicionamento sobre os grandes problemas sociais, indicou.
As sociedades nas que hai unha converxencia dos partidos cara posicións máis centradas avanzan máis, teñen menos conflitos e superan os seus problemas dun xeito máis sólido e firme que as sociedades nas que hai alternativas de goberno pendulares, manifestou.
Nota de prensa del Gabinete de Comunicación de EU:
Dende Esquerda Unida recordamos que arranca o proceso de consulta posto en marcha por Izquierda Unida Federal para que a nosa militancia e simpatizantes dean a súa opinión sobre a procura dunha confluencia con outras forzas políticas, entre elas, Podemos; un proceso participativo que estará aberto dende hoxe ata o vindeiro mércores 4 de maio.
A dirección federal de IU especifica que o obxectivo da negociación aberta é concretar unha coalición que recoñeza que somos forzas políticas distintas, que garanta a visibilidade de cada forza política na campaña e no posterior espazo institucional e político que sexa resultado do proceso electoral e que respecte a propia identidade de cada forza política, que ten os seus propios programas e os seus propios liderados, expoñen.
Sobre a propia consulta, IU fixo chegar ás súas bases a pregunta que deberán votar: Aprobas unha coalición electoral con Podemos e outras forzas de cara ás eleccións do 26 de xuño? Nos dous primeiros días previstos para a consulta poderase votar Si, Non ou Abstención vía Internet, a través da web de Izquierda Unida, mentres que o último día, o mércores 4 de maio, se reserva para o voto presencial nos lugares que habiliten para iso as distintas federacións que compoñen a organización.
Nota de prensa remitida por el Gabinete de Comunicación de Compromiso por Galicia:
O secretario xeral de Compromiso por Galicia, Xoán Bascuas, asegura que, ante os rumores de cambios na lei electoral no relativo ao voto da emigración, defendemos o seu dereito a voto, pero en urna e no consulado, como nos países civilizados.
Todo pode ser mellorable e débense corrixir os fallos de funcionamento do sistema, pero o voto rogado ofrece unhas garantías que non ofrece o sistema anterior, asegura Bascuas. Neste sentido, o secretario xeral de Compromiso asegura que volver ao voto de oficio só favorecerá que se volvan repetir os casos de fraude e que o futuro dos galegos e das galegas sexa decidido por persoas que nunca residiron en Galicia ou que xa non teñen vinculación real co noso país.
O Festival Abanea celebrará entre o 16 e o 20 de xullo a súa cuarta edición cun programa de danza contemporánea de distintos estilos que distribuirá 15 funcións de nove compañías entre os concellos de Ames, Outes, Marín, Foz e Celanova. ISMO Cultura, colectivo organizador do encontro, estenderá así a súa actividade de exhibición e dinamización ás catro provincias. A bailarina Andrea Castro presentou a primeira fase do espectáculo Lola y los lamentos, como artista seleccionada para o acompañamento bienal 20252026 co que o festival apoia procesos de creación de artistas emerxentes e que nesta edición terá como resultado a estrea de 'A mona de seda'.
As diversas actividades do festival terán lugar do 28 de xullo ao 1 de agosto no claustro do Mosteiro de San Salvador de Celanova. A actuación que inaugurará a cita será a da Banda de Música de Celanova con James Morrison, un concerto único en España que terá lugar ás 20,30 horas. Ademais deste, subirán ao escenario a Boston Brass de Estados Unidos, Abraham Cupeiro coa Orquestra Gaos e pechará a edición o Hércules Brass Ensemble dirixido por Isabel Rubio e coa Boston Brass e Adam rapa como solistas. Así, os concertos complementaranse con cinco días de actividades formativas para un centenar de estudantes procedentes de distintas comunidades autónomas. Clases de alto nivel da man dalgúns dos participantes nas actuacións e un seguimento continuo e individualizado que garante un acompañamento pedagóxico para o alumnado.
