sábado, 7 de noviembre de 2026
Nota de prensa remitida por el Gabinete de Comunicación del BNG:
Os concellos de Galiza son discriminados no reparto de fondos do Goberno central e cada veciño dun vila ou dunha cidade galega recibe 50 euros menos ca media estatal co actual sistema de reparto da Participación nos Ingresos do Estado (PIE). O BNG vai levar tanto á Federación galega de municipios e provincias como a Cámara autonómica unha proposta para a modificación dos criterios cos que se distribúen estes fondos, que para o 2016 suman 11.341 millóns de euros. Desa cantidade, chega aos municipios do país o 5,05%, -583millóns de euros-, pese a representar o 6,24% da poboación total. En términos per cápita, cada concello recibe 209 por habitante fronte aos 259 de media estatal.
Imos traballar no ámbito da FEGAMP e do Parlamento para que se leve a cabo con carácter prioritario unha modificación do sistema de financiamento para superar unha discriminación flagrante que e afecta aos nosos concellos que teñen servizos públicos peor financiados ca media do Estado, anunciou a portavoz nacional, Ana Pontón, na primeira reunión cos alcaldes, alcaldesas e responsables municipais do BNG.
Pontón fixo fincapé en que se trata dunha dobre discriminación: Recibimos menos recurso nun país onde custa máis prestar servizos dada a dispersión e o envellecemento da poboación, argumentou. Cos datos do PIE correspondentes a 2016, a cidade de Santiago con 100.000 habitantes recibe 5 millóns de euros dos que lle correspondería se os recursos que Madrid aporta aos concellos galegos fosen cando menos igual á media estatal.
Pontevedra perde 4 millóns, un concello intermedio de 30.000 habitantes como Carballo deixa de percibir 1,5 millóns de euros e un pequeno municipio como San Sadurniño de 3.000 habitantes queda sen 150.000 euros. Moitos miles de euros por veciño e veciña que perden os concellos galegos e que poderían destinar a financiar servizos sociais de proximidade nun momento en que as familias están tendo moitas dificultades económicas, indicou a tamén deputada.
Esta situación de discriminación agudízase no caso das grandes cidades, categoría na que se inclúe A Coruña, Lugo, Ourense, Pontevedra, Santiago e Vigo por superar todas elas os 75.000 habitantes. A modo de exemplo, Málaga recibe o mesmo financiamento do Estado, 230 millóns de euros, que as seis grandes cidades galegas xuntas, -232,6 millóns de euros-, pese a que estas case a duplican en poboación.
Neste sentido, o BNG considera que sería conveniente unha alianza entre as grandes cidades galegas para loitar contra o réxime de privilexio no reparto de financiamento que teñen as cidades do Estado que superan o medio millón de habitantes, salientou Pontón. Esas urbes son Madrid, Barcelona, Sevilla, Málaga, Zaragoza, e Valencia, que co 18% da poboación acaparan o 33% dos 11.343 millóns de euros do PIE en 2016.
Dentro do marco da reforma do financiamento local, unha das cuestións a propoñer é que as cidades galegas, prexudicadas por un sistema que beneficia ás grandes cidades do Estado, se unan na defensa dun financiamento xusto e non discriminatorio por parte do Goberno central, subliñou Pontón.
A xuntanza municipal do BNG analizou tamén a sentenza do Tribunal Constitucional que tumba algún dos artigos da coñecida como Lei Montoro que poñía atrancos á prestación de servizos por parte dos concellos e vulneraba o marco compentencial.
Convertía en papel mollado o Pacto local galego e esta sentenza abre a porta para retomar o diálogo entre Xunta e concellos para decidir como debe ser o reparto competencial, explicou Pontón, tras asegurar que o BNG aposta por que servizos sanitarios e sociais que asumen os concellos pasen a ser prestados pola Administración autonómica.
Reunión municipal coa nova executiva nacional do BNG que encabeza Ana Pontón
É tamén unha sentenza que deixa espido ao señor Feijóo que non tivo capacidade que preferiu poñerse ao servizo da estratexia do PP que a defensa das competencias e do autogoberno do país, lamentou.
Ao encontro municipal, o primeiro coa nova executiva nacional que encabeza Ana Pontón, asistiron a práctica totalidade dos alcaldes e alcaldesas do BNG, responsables municipais en concello onde a formación nacionalista está co gobernando con outras forzas políticas, así como outros cargos con responsabilidade local tanto en municipios como nas deputacións.
Fotografía: Gabinete de Comunicación del BNG
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
