viernes, 1 de mayo de 2026
O Colexio Profesional de Xornalistas de Galicia (CPXG) quere transmitir ás súas condolencias polo falecemento de Nacho Mirás e trasladar o cariño de toda a profesión á familia e amigos deste xornalista, especialmente á súa compañeira Ainhoa Apestegui, representante do Colexio da demarcación de Santiago.
Nacho Mirás (Vigo, 1971), que realizou toda a súa carreira en La Voz de Galicia e Radio Voz, foi membro do Pleno Territorial do CPXG durante as dúas primeiras lexislaturas do Colexio (2000-2004 e 2004-2008).
A súa morte a unha idade tan nova, vítima do cancro contra o que loitou os últimos dous anos causa unha gran dor entre a profesión xornalística e no seo do CPXG. Mirás exerceu ata o final o xornalismo: nestes últimos anos, contou a loita contra o tumor desde o seu blog, rabudo.com, e no libro El mejor peor momento de mi vida.
A Xunta de Goberno do CPXG, en nome do conxunto de profesión, quere expresar o seu fondo pesar por esta morte e suspende, en sinal de respecto, a reunión da Xunta de Goberno.
CiberLabFP configúrase como un espazo de aprendizaxe, experimentación e desenvolvemento de competencias en contornos reais que integran tecnoloxías da información (IT) e de operación (OT) para así adaptar a Formación Profesional aos novos escenarios de transformación dixital. Entre as súas funcionalidades destacan a formación especializada do profesorado, a simulación de ciberataques e defensa en contornos virtuais, a análise forense industrial ou a validación de sistemas. Ademais, contará cunha estación móbil que permitirá levar a tecnoloxía a centros educativos e realizar demostracións en empresas e feiras.
Celebrouse hoxe a sesión constitutiva do Foro do Litoral de Galicia, que será o máximo órgano colexiado de consulta e participación do conxunto da sociedade co fin de optimizar a xestión e ordenación da costa galega. Nel están representadas a Administración autonómica e as locais así como os sectores social, científico, económico e medioambiental e as entidades implicadas na protección do patrimonio natural co fin último de garantir unha gobernanza que permita unha participación suficiente de todos os sectores da sociedade interesados no litoral. A constitución do foro facilitará a partir de agora facer un seguimento das normas, políticas e instrumentos do litoral.
