jueves, 25 de diciembre de 2025
O encontro reunirá máis de 150 participantes do sector público, iniciativa cidadá e organizacións sociais, empresas e universidades. Todos os relatorios, actividades e comunicacións celebraranse no Centro de Innovación Cultural (CINC) da Cidade da Cultura de Galicia.
Esta actividade desenvólvese no marco do proxecto europeo financiado polo Programa EEA Grants Análise, avaliación e mellora dos procesos de intervención para a emancipación de mozos/as en dificultade e/ou risco no que participan catro equipos de investigación de referencia no campo da educación en España das Universidades de Girona, Illes Balears, Santiago de Compostela e UNED e entidades de recoñecida traxectoria especializadas en xuventude e emancipación como a Fundació Natzaret, Igaxes3, Opción 3 ou Servei Solidari.
Destaca o protagonismo de Igaxes3 como coordinadora do proxecto e a colaboración que esta entidade mantén dende hai tempo coa USC a través do convenio para o desenvolvemento do V Máster en Intervención e Emancipación de Mozos/as en dificultade e conflito social e a promoción de distintas iniciativas co Grupo de investigación en Pedagoxía Social e Educación Ambiental (SEPA-interea).
A conselleira do Medio Rural, acompañada polo director xeral da PAC e do Control da Cadea Alimentaria, Juan José Cerviño, presidiu este mediodía a constitución do Observatorio do sector lácteo de Galicia, órgano colexiado de seguimento, asesoramento, consulta e análise deste eido produtivo. Esta reunión ten lugar trala entrada en vigor do decreto que actualizou a regulación deste órgano e que, entre outros obxectivos, persegue facer un seguimento continuado do sector e mellorar o seu funcionamento. O Observatorio vén funcionando dende a súa creación no ano 2007
En concreto, o programa do Calendario do Libro e da Lectura inaugurará as súas 35 efemérides para o longo de todo o ano o 11 de xaneiro, co Día do usuario/a da Biblioteca e terá como unha das súas datas significativas desde mes, o Día da Ilustración, que se celebra o 30 e está dedicado ao humorista gráfico Siro López. Complétanse as datas significativas coa celebración, o 1 de abril, do Día das artes galegas, que se centra neste 2026 nun dos nosos fotógrafos máis vangardistas e internacionais, o ourensán José Suárez. En todo caso, este festexo estenderase todo o ano cunha ampla oferta de accións, do mesmo xeito que sucederá co Día das letras galegas (17 de maio) que nas bibliotecas xirará ao redor da escritora Begoña Caamaño.
