sábado, 2 de mayo de 2026
Converterse nun referente nacional e internacional de excelencia no ámbito da investigación e a docencia en Ciencias Sociais e Humanidades. Ese é o obxectivo do proxecto Campus da Cidadanía no que a Universidade de Santiago está a traballar para sometelo dentro dun ano á aprobación da Xunta de Galicia.
O reitor Juan Viaño presentou no Consello de Goberno a memoria inicial do proxecto, formulado como un campus transdisciplinar que xunta saberes de ámbitos tan diversos como a pedagoxía e as didácticas, a psicoloxía, o dereito, a criminoloxía, a socioloxía, a economía, a empresa, a ciencia política, a filosofía, a antropoloxía e a lóxica, as ciencias da cultura, o xornalismo e a comunicación, a lingüística e a literatura, a historia e a historia da arte, da música e do cine, a xeografía, a arquitectura e o urbanismo.
Nos eidos das Ciencias Sociais, Xurídicas e Humanidades, a USC conta con máis de 100 grupos de investigación, dez facultades, unha ducia de centros de investigación e máis dun milleiro de persoas dedicadas ao estudo do ser humano como elemento nuclear da sociedade, o que implica prestar atención a unha gran variedade de aspectos á vez que representa unha oportunidade de desenvolvemento para as cidades de Santiago de Compostela e Lugo.
Cese do vicerreitor Salgado
Na mesma xuntanza deuse conta do cese, a petición propia, do vicerreitor de Internacionalización, Carlos Salgado, que deixa o seu cargo no goberno da Universidade por causa das cada vez maiores responsabilidades que a Unión Europea lle está requirindo con respecto ao proxecto de investigación polo que acadou unha Starting Grant, como el mesmo explicou aos membros do Consello de Goberno.
O profesor do Departamento de Física de Partículas recibiu en 2011 unha Starting Grant to European Research Council para realizar o proxecto Hot and dense QCD in the LHC era (HotLHC) en colaboración co CERN. Salgado é un dos cinco Starting Grant que na USC lideran importantes grupos e proxectos investigadores. É precisamente este traballo o que me impide dedicarlle o tempo necesario á Vicerreitoría, dixo. Á volta do verán o reitor nomeará á persoa que lle substituirá.
CiberLabFP configúrase como un espazo de aprendizaxe, experimentación e desenvolvemento de competencias en contornos reais que integran tecnoloxías da información (IT) e de operación (OT) para así adaptar a Formación Profesional aos novos escenarios de transformación dixital. Entre as súas funcionalidades destacan a formación especializada do profesorado, a simulación de ciberataques e defensa en contornos virtuais, a análise forense industrial ou a validación de sistemas. Ademais, contará cunha estación móbil que permitirá levar a tecnoloxía a centros educativos e realizar demostracións en empresas e feiras.
Celebrouse hoxe a sesión constitutiva do Foro do Litoral de Galicia, que será o máximo órgano colexiado de consulta e participación do conxunto da sociedade co fin de optimizar a xestión e ordenación da costa galega. Nel están representadas a Administración autonómica e as locais así como os sectores social, científico, económico e medioambiental e as entidades implicadas na protección do patrimonio natural co fin último de garantir unha gobernanza que permita unha participación suficiente de todos os sectores da sociedade interesados no litoral. A constitución do foro facilitará a partir de agora facer un seguimento das normas, políticas e instrumentos do litoral.
