viernes, 25 de septiembre de 2026
Alternativa Galega de Esquerda (AGE) considera que as medidas propagandísticas de Alberto Núñez Feijóo para afrontar o problema dos desafiuzamentos, como a entrega de 150 euros durante dous anos ás familias en risco anunciada a semana pasada, non solucionan a violación reiterada do dereito constitucional á vivenda. É por iso que o grupo parlamentario, a través do seu deputado Antón Sánchez, vén de rexistrar unha iniciativa parlamentaria pnl, no documento anexo- en que reclama a elaboración dun ambicioso plan que aposte con clareza pola vivenda social en réxime de alugueiro.
A proposta que defende AGE sitúase no esteiro da maioría de países europeos. No Estado español, a dotación de vivenda social en alugueiro é dun 1%. A media europea chega ao 18%, explica Sánchez. En Alemaña acada o 57% do mercado de alugueiro, en Holanda o 47% e no Reino Unido o 20%. Hai unha marxe moi ampla para elaborar un plan de vivenda galego que faga medrar a oferta de vivendas sociais en réxime de alugueiro, engade, de xeito estábel e duradeiro, non de maneira provisional, e con un orzamento axustado a ese obxectivo.
Porque as medidas anunciadas pola Xunta no pasado Consello apenas son máis que parches que conciben o problema da vivenda como unha cuestión conxuntural. Pero a realidade, sinala Antón Sánchez, é que se trata dunha eiva estrutural dun modelo que entende a vivenda como ben de investimento e non como un dereito humano. Será difícil que o mesmo Partido Popular que contribuíu decisivamente desde as institucións a inchar a burbulla inmobiliaria dos noventa e primeiros dous mil da agora solucións de fondo a unha problemática estrutural, afirma.
Para proba, a maiores, do fracaso do tipo de políticas que prefire o PP de Feijóo, o parlamentario de Alternativa lembra plans absolutamente falidos como o chamado Realoxa. Este programa da Xunta só realoxou 43 familias en dous anos. Nese mesmo período houbo 1.500 despexos de vivendas habituais.
Experiencias semellantes á que agora que levar adiante o Goberno galego indican tamén que este tipo de medidas é absorbido polo mercado, que o fai repercutir nunha suba xeral do prezo do alugueiro. Os propios beneficiados por estas axudas puntuais seguirán, nun futuro próximo, a ter problema de pagamentos, di o deputado. Todo cando, ademais, o orzamento en materia de vivenda foi drasticamente retallado por Feijóo. E o que é peor, fica nun baixo grao de execución, consecuencia do fracaso dos seus plans, programas e políticas.
Afrontar con minimedidas de propaganda, puramente cosméticas, o grave incumprimento do dereito constitucional á vivenda, conclúe Antón Sánchez, é tan inútil como pretender solucionar o problema dos incendios forestais facendo unha foto para os xornais cunha mangueira.
O calendario de Programación Kármica arranca este 25 de setembro con Taïn na Sala Guión de Pontedeume. A seguinte cita será o 16 de outubro, con Camellos e Cora Yako en La Conservera de Viveiro, mentres que o 24 de outubro actuarán Javier Lago e Santi Araújo na Pousada da Galiza Imaxinaria de Boiro. O ciclo chegará precisamente á sala que acolle hoxe a súa presentación, A Cofradía de Vilanova de Arousa, o 27 de novembro, coas actuacións de Montedapena e Nuntia. O programa de 2026 pecharase o 26 de decembro na Pousada da Galiza Imaxinaria con Portosanto e Hermanos Visi.
O Instituto Nacional de Estatística (INE) publicou este martes os datos da enquisa de ocupación hoteleira na comunidade galega, que revelan que os hoteis e pensións galegas ingresaron nos oito primeiros meses do ano 334,7 millóns de euros, que revelan un incremento do 6,6% con respecto ao mesmo período do pasado ano. A rendibilidade hoteleira medra nos oito primeiros meses do ano o 7,5%. Só no mes de agosto, o sector tivo uns ingresos de 92,4 millóns de euros que se traducen nunha suba do 8,8% con respecto ao mesmo mes do ano pasado. Por primeira vez supérase a barreira dos 90 millóns de euros de ingresos no mes de agosto rexistrando un máximo histórico.
