viernes, 25 de septiembre de 2026
Tras a intervención do secretario Xeral de Universidades para informar da análise do Plan de financiamento do Sistema Universitario de Galiza 2011-2015, o parlamentario do BNG, Cosme Pombo criticou os continuos recortes nesta ámbito e afirmou que o plan anuncia o fracaso para o sistema universitario galego.
Para o deputado, a análise do Plan de financiamento para as Universidades defendido polo secretario xeral como dinámico, sostible, equitativo e eficiente é outra nova mostra propagandística do Partido popular mentres a realidade dixo, tradúcese en menos profesorado e recursos nos últimos cinco anos, un grave recorte que provoca a asfixia do sistema universitario galego e a diminución de financiamento e recursos humanos, principal capital a nosa universidade.
O parlamentario tamén lembrou que foi recortado o dereito á educación superior para máis 5.000 galegos e galegas que durante a vixencia deste plan desapareceron do sistema universitario. Recortes, que para o BNG, dixo, afectaron gravemente á calidade docente e investigadora por mor, reiterou da asfixia económica durante este anos.
O goberno galego, dixo, presume do Plan de financiamento como suficiente, estable, dinámico, útil, flexíbel,consensuado e que blinda os niveis de calidade, máis para o BNG, dende a chegada de Feijóo á Xunta no ano 2009, o recorte é dramático nas ensinanzas universitarias que pasaron de 385, 8 millóns de euros a 322,7 na actualidade.
O deputado negou as afirmacións do secretario xeral sobre o medre en investigación, as cantidades no papel parecen as mesmas pero a execución foi moi deficiente, afirmou.
Finalmente, o deputado destacou o deterioro da calidade universitaria ante os continuos recortes polos que a universidade de Compostela perde 22 millóns de euros, a de Vigo 16 millóns e a de Coruña máis de 22 millóns co Plan de financiamento. O deputado tamén criticou que o investimento en investigación non chegue ao 0,8 % do PIB de Galiza cando a media en España sitúase no 1,4% e en Europa máis do 2,1% concluíu.
O calendario de Programación Kármica arranca este 25 de setembro con Taïn na Sala Guión de Pontedeume. A seguinte cita será o 16 de outubro, con Camellos e Cora Yako en La Conservera de Viveiro, mentres que o 24 de outubro actuarán Javier Lago e Santi Araújo na Pousada da Galiza Imaxinaria de Boiro. O ciclo chegará precisamente á sala que acolle hoxe a súa presentación, A Cofradía de Vilanova de Arousa, o 27 de novembro, coas actuacións de Montedapena e Nuntia. O programa de 2026 pecharase o 26 de decembro na Pousada da Galiza Imaxinaria con Portosanto e Hermanos Visi.
O Instituto Nacional de Estatística (INE) publicou este martes os datos da enquisa de ocupación hoteleira na comunidade galega, que revelan que os hoteis e pensións galegas ingresaron nos oito primeiros meses do ano 334,7 millóns de euros, que revelan un incremento do 6,6% con respecto ao mesmo período do pasado ano. A rendibilidade hoteleira medra nos oito primeiros meses do ano o 7,5%. Só no mes de agosto, o sector tivo uns ingresos de 92,4 millóns de euros que se traducen nunha suba do 8,8% con respecto ao mesmo mes do ano pasado. Por primeira vez supérase a barreira dos 90 millóns de euros de ingresos no mes de agosto rexistrando un máximo histórico.
