viernes, 25 de septiembre de 2026
O presidente da Xunta, Alberto Núñez Feijóo, avanzou, na rolda de prensa posterior ao Consello, a aprobación do Plan de Conservación da Praia das Catedrais, dotado cun investimento de 1,5 millóns de euros para os próximos 10 anos, co fin ordenar o uso público deste enclave natural e garantir o seu coidado.
Como lembrou o mandatario galego, a gran confluencia de visitantes da Praia das Catedrais obrigou a poñer en marcha accións inmediatas, desenvolvidas xa no verán de 2014, e accións a medio prazo, como as que contempla o Plan de Conservación do Monumento Natural que hoxe se aprobou no Consello.
Nesta liña, Feijóo salientou que o obxectivo da Xunta é ordenar o uso público da praia para que sexa compatible o seu desenvolvemento como recurso turÃstico coa conservación do medio ambiente. Como engadiu, este enclave da Mariña lucense non é só “unha das nosas praias máis fermosas, senón que é un espazo único e recoñecido por varias figuras de protección ambiental”. De feito, recordou que, aparte de ser considerado monumento natural, conta con interese xeolóxico e mineiro e forma parte da Rede Natura 2000 e da Reserva da Biosfera do RÃo Eo, Oscos e Terra de Burón.
Por este motivo, o Goberno galego ve preciso, segundo explicou Feijóo, dar pasos decididos para evitar a súa degradación pola presión turÃstica e garantir que os seus valores ambientais se manteña ao longo do tempo.
Como engadiu, iso é o que pretende este Plan de Conservación, que ademais “é froito do diálogo e da participación de diferentes administracións”, asà como o resultado dunha “diagnose cientÃfica sobre as principais ameazas que afronta este espazo protexido”.
Os obxectivos do Plan de Conservación
Entre as medidas que inclúe o Plan, Feijóo fixo fincapé en que “establece unha regulación do acceso público nos momentos de maior afluencia”, permitindo 4.812 visitantes diarios nos meses de xullo, agosto, setembro e en Semana Santa.
Asà mesmo, o titular da Xunta puxo en valor que o Plan propón cinco obxectivos estratéxicos. O primeiro deles, segundo asegurou, será avanzar no coñecemento do espazo protexido, asà como dos riscos e das ameazas que encara. Neste punto, prevese un inventario de hábitats naturais e de especies de flora e fauna silvestre.
En segundo lugar, Feijóo avanzou que o Plan tratará de evitar a perda da biodiversidade e loitará pola conservación de hábitats, mediante o seguimento e control das especies exóticas invasoras e mellorando o estado de conservación da matogueira costeira.
Ademais diso, outro dos obxectivos estratéxicos basearase en acadar un uso ordenado e compatible coa conservación dos valores naturais do espazo. AsÃ, ademais de regular o acceso nos perÃodos de maior confluencia de visitantes, apóstase por favorecer a desestacionalización da demanda. Do mesmo xeito, está prevista a difusión da normativa de uso público e o control e vixilancia do seu cumprimento.
Por outra banda, o titular do Goberno galego fixo fincapé na importancia de apostar pola mellora paisaxÃstica do patrimonio natural, para o que se recollerán medidas como a ordenación e homoxeneización dos paneis informativos de diferentes organismos; a eliminación de noiros artificiais e a recuperación da topografÃa orixinal do terreo, cando sexa necesario; iniciativas para mitigar ou reducir o impacto visual dos equipamentos e das infraestruturas existentes ou previstos; desenvolver actuacións para ordenar os accesos e áreas de aparcadoiro e a venda ambulante, asà como para a promoción de medios de transporte alternativos ao vehÃculo particular; ou a ordenación dos sendeiros e accesos interiores ao monumento natural.
Por último, o Plan tamén avogará por favorecer o compromiso social, fomentando o coñecemento e a implicación na conservación do monumento natural, mediante a promoción de campañas e da coordinación con outras administracións, coa comunidade cientÃfica e coa poboación en xeral.
Segundo concluÃu Alberto Núñez Feijóo, trátase dun Plan “que fará posible unha xestión máis eficiente dos recursos públicos” e que cómpre valorar como “unha oportunidade, sen dúbida, de desenvolvemento económico para o sector turÃstico, para a hostalerÃa e para o ocio, compatibles coa conservación dos valores ambientais que motivaron a declaración de Monumento Natural das Catedrais”. “En consecuencia, o que queremos, é que se siga visitando un monumento que temos a obriga de conservar e este é o primeiro Plan de Conservación integral que se acomete por un Goberno en relación á praia das Catedrais”, aseverou o presidente da Xunta, que tamén lembrou que o acceso ao enclave seguirá sendo gratuÃto e que a partir do vindeiro 1 de xullo os visitantes deberán contar cunha autorización que poderá conseguirse desde 15 dÃas antes na dirección web http://ascatedrais.xunta.es.
O calendario de Programación Kármica arranca este 25 de setembro con Taïn na Sala Guión de Pontedeume. A seguinte cita será o 16 de outubro, con Camellos e Cora Yako en La Conservera de Viveiro, mentres que o 24 de outubro actuarán Javier Lago e Santi Araújo na Pousada da Galiza Imaxinaria de Boiro. O ciclo chegará precisamente á sala que acolle hoxe a súa presentación, A CofradÃa de Vilanova de Arousa, o 27 de novembro, coas actuacións de Montedapena e Nuntia. O programa de 2026 pecharase o 26 de decembro na Pousada da Galiza Imaxinaria con Portosanto e Hermanos Visi.
O Instituto Nacional de EstatÃstica (INE) publicou este martes os datos da enquisa de ocupación hoteleira na comunidade galega, que revelan que os hoteis e pensións galegas ingresaron nos oito primeiros meses do ano 334,7 millóns de euros, que revelan un incremento do 6,6% con respecto ao mesmo perÃodo do pasado ano. A rendibilidade hoteleira medra nos oito primeiros meses do ano o 7,5%. Só no mes de agosto, o sector tivo uns ingresos de 92,4 millóns de euros que se traducen nunha suba do 8,8% con respecto ao mesmo mes do ano pasado. Por primeira vez supérase a barreira dos 90 millóns de euros de ingresos no mes de agosto rexistrando un máximo histórico.
