domingo, 4 de mayo de 2025
O ORFEON LUCENSE ofrece unha misa por Francisco Cacharro Pardo
O Orfeón Lucense vai ofrecer unha misa na memoria de Francisco Cacharro Pardo, o venres, 17 de abril, ás sete da tarde, na igrexa parroquial de Santiago-A Nova. Francisco Cacharro mantivo unha fonda amizade co fundador do Orfeón, José Castiñeira Pardo, e durante a súa presidencia na Deputación Provincial protexeu a EscolanÃa José Castiñeira e apoiou de xeito decidido ao Orfeón, que tutelaba esta EscolanÃa. Por iso a agrupación coral lle concedeu, hai xa máis dunha década, a insignia de ouro do Orfeón.
A misa, cantada polo Orfeón, dirixido polo seu titular, Marcos Fernández Mosquera, e á que asistirá a a familia Cacharro-Gosende, será oficiada por Xesús Mato, Director Emérito do Orfeón, e Luis Varela Castiñeira, párroco de A Nova. O Orfeón comprácese en invitar a esta celebración aos amigos de Francisco Cacharro e a tódolos simpatizantes desta agrupación coral.
A obra Hombre y joven marinero (1929), do poeta e artista Federico GarcÃa Lorca e pertencente á colección da Fundación Pública Galega Camilo José Cela, formará parte da exposición internacional The First Homosexuals, que se inaugurará o 2 de maio no prestixioso espazo Wrightwood 659 de Chicago. Trátase dunha mostra que reúne máis de 250 obras que documentan as primeiras representacións artÃsticas da homosexualidade no panorama internacional posterior a 1869. A Fundación Camilo José Cela continúa asà co seu labor de conservación, difusión e proxección internacional do seu valioso fondo artÃstico e documental, favorecendo o diálogo cultural arredor dunha das figuras máis senlleiras da literatura e da arte do século XX.
A figura e o legado de Alfonso Daniel RodrÃguez Castelao será divulgada a través dunha decena de publicacións ao longo deste 2025, dentro das accións da programación do Ano Castelo, co que o Goberno galego conmemora o 75 aniversario dunha das figuras máis senlleiras de Galicia. Entre elas estarán 'Celebrando a Castelao. O artista polifacético', de Rubén de Lis, dúas edicións da emblemática obra teatral 'Os vellos non deben de namorarse', os discursos institucionais de Castelao (da man da Fundación Castelao) ou a dixitalización da documentación sobre o Estatuto de 1936 (en colaboración co Instituto Padre Sarmiento).
