domingo, 4 de mayo de 2025
O presidente da Xunta, Alberto Núñez Feijóo, anunciou, na rolda de prensa do Consello, que o vindeiro luns comezará a funcionar en todos os centros de saúde o servizo Conecta 72, que garante seguimento aos pacientes hospitalizados nas horas posteriores á alta. Como sinalou o mandatario galego, con isto dáse cumprimento a un dos compromisos adquiridos no último Debate sobre o Estado da AutonomÃa.
Máis polo miúdo, Feijóo precisou que no momento da alta xerarase de forma automatizada unha mensaxe na axenda do médico de cabeceira e da enfermeira de cupo do paciente e unha cita de consulta telefónica na axenda de enfermarÃa de Atención Primaria, de tal xeito que todos os pacientes que sexan dados de alta nun hospital recibirán nas 72 horas seguintes unha consulta telefónica por parte do persoal de enfermerÃa do seu centro de saúde.
Asà mesmo, na chamada, o profesional valorará distintos aspectos importantes no seguimento posterior, como por exemplo detectar posibles complicacións de maneira precoz, comprobar que o paciente está tomando axeitadamente os fármacos no caso de que fose medicado ou comprobar que o paciente entendeu todas as explicacións e recomendacións que se lle deron durante o seu ingreso hospitalario. E, todos os datos obtidos desta consulta, máis as intervencións realizadas, quedarán rexistrados na historia clÃnica electrónica do paciente.
“Estamos a poñer en marcha unha iniciativa novidosa que supón máis obrigas para o persoal sanitario, concretamente o persoal de atención primaria, e supón máis dereitos para os galegos e máis compromisos coa sanidade pública en Galicia”, aseverou.
Por outra banda, o titular do Goberno galego, apuntou que esta iniciativa xa comezou a funcionar de forma pioneira en sete centros de saúde, que son o dos Mallos (A Coruña), Fontenla Maristany (Ferrol), San Roque Lugo), Oroso, O Carballiño, A Parda (Pontevedra), e RosalÃa de Castro (Vigo). Segundo a enquisa de auditorÃa realizada sobre o funcionamento deste novo servizo, o 90 por cento dos destinatarios considerárono útil ou moi útil dito programa. Asà mesmo, no 80 por cento dos casos indicaron que se lles axudou a comprender mellor as recomendacións recibidas no hospital.
No caso dos profesionais sanitarios, Feijóo destacou que afirman estar satisfeitos co servizo e subliñan como principais vantaxes a mellora do control dos pacientes, ou evitar posibles ingresos como consecuencia de complicacións evitables.
Para o presidente autonómico, esta iniciativa, que beneficiará aos arredor de 230.000 cidadáns que cada ano reciben unha alta hospitalaria, vai mellorar de forma importante o seguemento dos pacientes trala alta hospitalaria, incrementará a relación dos pacientes co seu servizo de atención primaria, mellorando a continuidade asistencial. Asà mesmo, vai facilitar e axilizar a adaptación dos coidados do doente e axudará a previr precozmente os problemas de saúde que poidan xurdir despois dunha intervención cirúrxica complicada ou dunha alta hospitalaria dun paciente con pluripatoloxÃa ou un estado de saúde con dificultades severas.
A obra Hombre y joven marinero (1929), do poeta e artista Federico GarcÃa Lorca e pertencente á colección da Fundación Pública Galega Camilo José Cela, formará parte da exposición internacional The First Homosexuals, que se inaugurará o 2 de maio no prestixioso espazo Wrightwood 659 de Chicago. Trátase dunha mostra que reúne máis de 250 obras que documentan as primeiras representacións artÃsticas da homosexualidade no panorama internacional posterior a 1869. A Fundación Camilo José Cela continúa asà co seu labor de conservación, difusión e proxección internacional do seu valioso fondo artÃstico e documental, favorecendo o diálogo cultural arredor dunha das figuras máis senlleiras da literatura e da arte do século XX.
A figura e o legado de Alfonso Daniel RodrÃguez Castelao será divulgada a través dunha decena de publicacións ao longo deste 2025, dentro das accións da programación do Ano Castelo, co que o Goberno galego conmemora o 75 aniversario dunha das figuras máis senlleiras de Galicia. Entre elas estarán 'Celebrando a Castelao. O artista polifacético', de Rubén de Lis, dúas edicións da emblemática obra teatral 'Os vellos non deben de namorarse', os discursos institucionais de Castelao (da man da Fundación Castelao) ou a dixitalización da documentación sobre o Estatuto de 1936 (en colaboración co Instituto Padre Sarmiento).
