domingo, 4 de mayo de 2025
No acto que estivo presidido polo delegado da Xunta en Madrid e director da Casa, José Ramón Ónega, interviñeron a concelleira de Cultura, Turismo, Xuventude e Promoción da Lingua de Lugo, Carmen Basadre; o delegado de Patrimonio Histórico-ArtÃstico da diocese de Lugo, César Carnero; e o coordinador xeral da Xunta de ConfrarÃas da Semana Santa de Lugo, Ramón Basanta.
Para José Ramón Ónega, "como lucense que son, sempre é para min un motivo de orgullo acoller un acto como este. Todo o que sexa promover a nosa terra será sempre benvido nesta Casa".
Pola súa banda, Carmen Basadre anunciou esta mañá que se iniciou o traballo para solicitar que a Semana Santa de Lugo sexa declarada Festa de Interese TurÃstico Galego e explicou que "esta celebración relixiosa ten moita tradición na cidade e son moitas as persoas que cada ano se achegan a Lugo para seguir as vistosas procesións". Basadre tamén aproveitou a presentación para invitar a todos os cidadáns a achegarse a coñecer Lugo nestas datas, xa que "ademais dos eventos relixiosos, as persoas que nos visiten poderán gozar dos numerosos atractivos que ofrece Lugo" e citou entre eles, o patrimonio monumental, os numerosos restos arqueolóxicos, o entorno natural do RÃo Miño, sen esquecer por suposto, a rica oferta gastronómica. Ademais, o Concello de Lugo ofrece unha variada programación de ocio entre o 28 de marzo e o 5 abril que inclúe numerosas actividades e visitas turÃsticas guiadas gratuÃtas para cantas persoas desexen coñecer a cidade.
Para César Carnero, delegado de Patrimonio Histórico-ArtÃstico da diocese de Lugo, a Semana Santa de Lugo está intimamente ligada ao privilexio da Exposición permanente do Santo Sacramento no Altar Maior da catedral, "a tradición eucarÃstica de Lugo, plásmase en que, dende o ano 1963, a procesión do Xoves Santo é a única en España en que a Sagrada Forma sae a procesionar polas rúas da cidade e no acto excepcional que se desenvolve na mañá de Pascua consistente no encontro entre Cristo Resucitado e a súa Nai".
Mentres, o coordinador da Xunta de ConfrarÃas de Lugo, Ramón Basanta quixo recalcar que cada ano é máis numerosa a participación na Semana Santa lucense porque conta con "peculiaridades e privilexios excepcionais que a fan completamente diferente á doutros lugares de España e, polo tanto, merecedora de ser visitada".
Durante a presentación, proxectáronse preto dun centenar de magnÃficas imaxes de Lugo e a súa Semana Santa.
A obra Hombre y joven marinero (1929), do poeta e artista Federico GarcÃa Lorca e pertencente á colección da Fundación Pública Galega Camilo José Cela, formará parte da exposición internacional The First Homosexuals, que se inaugurará o 2 de maio no prestixioso espazo Wrightwood 659 de Chicago. Trátase dunha mostra que reúne máis de 250 obras que documentan as primeiras representacións artÃsticas da homosexualidade no panorama internacional posterior a 1869. A Fundación Camilo José Cela continúa asà co seu labor de conservación, difusión e proxección internacional do seu valioso fondo artÃstico e documental, favorecendo o diálogo cultural arredor dunha das figuras máis senlleiras da literatura e da arte do século XX.
A figura e o legado de Alfonso Daniel RodrÃguez Castelao será divulgada a través dunha decena de publicacións ao longo deste 2025, dentro das accións da programación do Ano Castelo, co que o Goberno galego conmemora o 75 aniversario dunha das figuras máis senlleiras de Galicia. Entre elas estarán 'Celebrando a Castelao. O artista polifacético', de Rubén de Lis, dúas edicións da emblemática obra teatral 'Os vellos non deben de namorarse', os discursos institucionais de Castelao (da man da Fundación Castelao) ou a dixitalización da documentación sobre o Estatuto de 1936 (en colaboración co Instituto Padre Sarmiento).
