Notas de prensa

A UE selecciona tres proxectos do GAC de Galicia como exemplo de sustentabilidade das comunidades pesqueiras

Estes proxectos están presentes na área de exhibición da conferencia Sailing towards 2020, organizada DG MARE e que se celebra en Bruxelas. O obxectivo desta conferencia é expor o aprendido e os éxitos da implementación do eixo 4 do Fondo Europeo da Pesca.

Tres proxectos dos Grupos de Acción Costeira (GAC) de Galicia foron escollidos para ser expostos como exemplo de sustentabilidade das comunidades pesqueiras na área de exhibición da conferencia Sailing towards 2020, organizada pola Dirección Xeral de Asuntos Marítimos e Pesqueiros da Comisión Europea (DG MARE).

Esta iniciativa realizouse coa colaboración de Farnet, entidade da Comisión Europea que asesora na implementación das medidas europeas para o desenvolvemento sustentable das áreas costeiras. A directora xeral de Desenvolvemento Pesqueiro, Susana Rodríguez, asiste hoxe e mañá en Bruxelas a este evento no que tamén estarán presentes os xerentes dos sete GACs e representantes das federacións de confrarías de Galicia.

O obxectivo desta conferencia é expor o aprendido e os éxitos da implementación do eixo 4 do Fondo Europeo da Pesca, que fai referencia ao desenvolvemento sustentable das zonas de pesca. Para iso, durante os dous días, a conferencia distribuirase en dous bloques, un de relatorios e de foro e outro de exhibición.

Hoxe no bloque de relatorios participará o comisario europeo de Pesca e Asuntos Marítimos, Karmenu Vella, e mañá falarase dos retos que as comunidades costeiras terán que afrontar no futuro inmediato, como por exemplo, o impacto da reforma da Política Pesqueira Común, o cambio climático e a creación de emprego, entre outros. A clausura desta conferencia contará coa participación da directora xeral da DG MARE, Lowri Evans.

Proxectos seleccionados

Os proxectos seleccionados estarán presentes na parte de exhibición que consta de 40 stands. Do total de proxectos, oito son de España e deles tres son de Galicia, en concreto do GAC 1 (A Mariña-Ortegal), do GAC 3 (Costa da Morte) e do GAC 4 (Seo de Fisterra-Ría Muros-Noia).

O proxecto seleccionado do GAC 1 é Conservas Curricán, unha empresa de nova creación constituída por tres mulleres maiores de 45 anos. Consiste nun obradorio de elaboración artesanal de bonito do norte. Esta idea xorde da experiencia das promotoras na elaboración de conservas artesanais e o seu nome alude a ese xeito tradicional e sustentable de capturar peixe.

A iniciativa do GAC 3 denomínase Lo estamos pescando e consiste nunha plataforma de venda virtual ideada por pescadores e produtores de marisco das confrarías locais para diversificar a súa clientela, aportar valor engadido ao peixe e marisco galego e acurtar a cadea de distribución dos produtos pesqueiros locais.

Por outra banda, o proxecto escollido do GAC 4 é Empreamar, unha acción na que profesionais e expertos guían aos alumnos para formalos como emprendedores e desenvolver unha idea de negocio relacionada co mundo do mar. Esta iniciativa está orientada ao aproveitamento sustentable dos recursos mariños do territorio do GAC 4.

Gabinete de Comunicación da Xunta de Galicia, 2015-03-02

Actualidad

Foto del resto de noticias (presideante.jpg) Manteranse as rebaixas fiscais en vigor e aprobaranse catro novas baixadas: no Imposto sobre Transmisións Patrimoniais no caso de vivenda usada habitual, no de Sucesións para as herdanzas entre irmáns, no de Patrimonio e en innovación
Foto de la tercera plana (mama.jpg) Detectáronse 8.000 tumores, dos que o 92% tiñan un estadio tumoral baixo. A mortalidade por cancro de mama en mulleres galegas que participan nos cribados descendeu en máis dun 20% respecto do previsto sen cribado

Notas

Será o xoves, 25 de outubro, ás 19,30 horas, na Biblioteca Nodal, organizada polo Ateneo Nacionalista de Lugo
O Concurso Pilabot ten por obxectivo fomentar a recollida de pilas e acumuladores portátiles nos centros de ensino de primaria e secundaria galegos, xa que aínda que poida parecer un material pequeno e inofensivo, é o residuo máis perigoso e contaminante xerado polas persoas
PUBLICIDAD
Deputación de Ourense
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania