lunes, 22 de diciembre de 2025
A portavoz do BNG no Congreso, Olaia Fernández Davila, criticou na Comisión de RTVE a política de contratación de TVE de profesionais procedentes de medios como Intereconomía, La Razón ou Telemadrid.
A portavoz do BNG dirixiuse ao Presidente do ente de RTVE para preguntarlle polas razóns de que se estea a desprazar a excelentes xornalistas da casa por profesionais procedentes de medios como os citados. En primeiro lugar, Davila expresou a solidariedade do BNG cos traballadores de TVE pola discriminación laboral da que están sendo obxecto.
A deputada do BNG explicou que TVE está a relegar dos informativos principais a xornalistas con suficiente coñecemento no medio público. Estaos relegando a outros espazos que non teñen a relevancia dos telexornais, e falo de espazos como agrosfera, entre outros, para incorporar a profesionais que proceden de medios como La Razón, Intereconomía ou Telemadrid.
Davila fixo alusión ás denuncias dos propios traballadores de TVE.
O Señor Sánchez adicouse na primeira resposta a negalo todo. Máis Davila lembroulle a contratación de 11 redactores novos, que se destinaron a facer as noticias máis importantes dos informativos. Davila reprochoulle este tipo de políticas practicadas en tempos de restricións orzamentarias e que van claramente na direción de manipular a información, algo que podemos comprobar cada vez que miramos os informativos de TVE.
Na segunda réplica, o Presidente de RTVE limitouse a sinalar que non se desprazou a ninguén. Admitiu que se formalizaron os once contratos e asegurou que foi por necesidades dos informativos e que se trata de expertos profesionais.
O programa Radio na Biblio, que vai polo noveno ano en funcionamento, chega este curso a 245 centros de ensino que contan cun laboratorio de radio no que traballan as competencias vencelladas á alfabetización mediática, lingüísticas ou de expresión escrita e oral, entre outros. Con nove cursos en marcha, trátase dun programa consolidado que aproveita a posta en marcha dunha emisora de radio na biblioteca para traballar habilidades e destrezas e que permite o tratamento de contidos curriculares mediante metodoloxías activas e innovadoras que facilitan a aprendizaxe. Ademais, as actuais tecnoloxías da información e da comunicación facilitan o uso da radio como ferramenta pedagóxica de gran alcance para a difusión dos proxectos e iniciativas do centro educativo.
Tivo lugar a na cerimonia de entrega dos XVIII Premios Nacionais de Artesanía 2025, na que resultaron premiadas dúas candidaturas galegas. O artesán Aitor Martínez López de Arbina (Tomiño), especializado en tornería de madeira, resultou gañador na categoría Produto e a Fundación Artesanía de Galicia obtivo o recoñecemento na categoría Promociona para Entidades Públicas polo seu proxecto 'Artesanía no Prato'.
