miércoles, 15 de abril de 2026
O conselleiro de Economía e Industria, Francisco Conde, e o director de I+D+i de PSA Peugeot Citroën, Jean Marc Finot, participaron nunha xornada de traballo no Centro Tecnolóxico da Automoción de Galicia (CTAG), na que Conde destacou que os proxectos innovadores conxuntos do centro e o xigante galo colocan a Galicia á vangarda da innovación no sector da automoción.
A presenza de Finot en Vigo, resaltou o conselleiro, responde á confianza no traballo desenvolvido por Galicia en proxectos xa en marcha e abre as portas a novos proxectos en colaboración con CTAG. Conde subliñou neste senso a estreita relación entre a empresa, o centro tecnolóxico e a Xunta de Galicia, unha alianza determinante para o futuro de Galicia fundada sobre o talento, sobre a innovación e sobre un traballo compartido que xa está a dar froitos. Así, destacou que os proxectos de innovación que están a levar a cabo CTAG e PSA reforzan a competitividade da compañía e da factoría de Balaídos, e son o primeiro paso cara a un marco estable de colaboración no futuro.
Ese triángulo de excelencia, sinalou, xa comezou a dar os seus froitos co traballo que está a realizar o centro tecnolóxico en colaboración con PSA Peugeot Citroën, concretado en avanzados proxectos de innovación que Finot e Conde comprobaron in situ. A experiencia do CTAG, e en especial o seu novo Centro de Excelencia en Electrónica para Vehículos Intelixentes, cuxa construción a Xunta apoiou con 10 millóns de euros, converteron a Galicia na mellor opción para desenvolver novas tecnoloxías do automóbil, defendeu.
Conde salientou o traballo que nas instalacións viguesas están a realizar os especialistas do CTAG, apoiados por varios laboratorios, un simulador e unha pista de probas que, destacou, pon a Galicia no grupo de vangarda das novas tecnoloxías do vehículo conectado e do vehículo autónomo. Esa é a dirección, resaltou, na que PSA Peugeot Citroën, CTAG o e a Xunta reforzarán aínda máis o seu traballo conxunto.
Subliñou ademais a aposta do Goberno galego polo CTAG e pola colaboración entre o centro e a factoría de Balaídos, como resposta á vontade expresada polo presidente do Goberno galego de atraer a Galicia proxectos de I+D+i de grandes empresas, e á necesidade de potencia a transferencia de coñecemento para crear emprego e riqueza. E neses obxectivos, defendeu, Vigo e PSA son dous socios naturais, que xuntos fan do ecosistema innovador vigués o mellor lugar para desenvolver os proxectos conxuntos que están por vir, aínda máis ambiciosos.
O xornalista galego de elDiario.es José Precedo, que defendeu o dereito ao segredo xornalístico ante o Tribunal Supremo, é o gañador do XXII Premio Xornalistas de Liberdade de Prensa, convocado polo Colexio Profesional de Xornalistas de Galicia coa colaboración do Concello de Pontevedra. Precedo recibirá o premio en Pontevedra o vindeiro 9 de maio na Casa Consistorial. A sala de prensa do Concello de Pontevedra acolleu o anuncio da candidatura gañadora da vixésimo primeira edición do Premio Xornalistas de Liberdade de Prensa, organizado polo Colexio Profesional de Xornalistas de Galicia coa colaboración do Concello de Pontevedra. O acto contou coa presenza do alcalde Miguel Anxo Fernández Lores, a decana do Colexio Belén Leal e o secretario do premio Darío Janeiro.
Esta edición do Encontro de Artes Novas contará coa participación de talentos recoñecidos como a escritora, comisaria e podcaster Sonia Fernández Pan, que realiza desde 2021 a serie de podcasts The Tale and The Tongue co Instituto de Arte, Xénero e Natureza da Escola Superior de Deseño e Arte de Basilea. Ou a dupla artística Clo-Plas, unha proposta sonora única e radical da poeta e xornalista Xiana Arias e o artista e investigador Berio Molina, que fusionan versos e electro-pop minimalista coa oralidade popular da Fonsagrada. O programa inclúe tamén cunha conversa co profesor e investigador en Filosofía da Tecnoloxía, Pablo Sanguinetti, autor do libro Tecnohumanismo. Por un diseño narrativo y estético de la inteligencia artificial e de numerosos artigos académicos e divulgativos sobre a intersección entre tecnoloxía, humanidades e creatividade.
