martes, 23 de diciembre de 2025
Nos centros Quérote+ de toda Galicia realízase este método de detección que, baixo a denominación de proba rápida, ofrece a posibilidade de coñecer en aproximadamente 20 minutos a presenza de anticorpos de VIH no organismo.
Nos centros Quérote lévase a cabo no marco dun asesoramento acerca do VIH e a súa prevención, e durante o mesmo xa se informa ao usuario do resultado. Non é unha proba diagnóstica, xa que un resultado positivo deberá sempre ser confirmado por probas de laboratorio hospitalario.
Unha diagnose a tempo ofrece a posibilidade de beneficiarse da terapia antiviral nas etapas precoces da infección e pode contribuír a modificar as condutas que favorecen a transmisión do virus a outras persoas.
Estímase que o 25% da poboación portadora descoñece que ten VIH. Isto é posible porque o VIH pode estar asintomático, é dicir, non presentar síntomas nin manifestarse externamente no corpo. Pero a pesares de non mostrar síntomas, esa persoa, ao ser portadora do VIH, pode transmitirllo a outra persoa, esta a outra, e así é como se produce a cadea de transmisión do virus.
O perfil da persoa que se achega a realizar a proba aos centros Quérote+ é un home (70% das persoas que fan a proba) de entre 16 e 34 anos (71 % das persoas que fan a proba) da provincia da Coruña ou de Pontevedra (77% das persoas que fan a proba pertencen a unha destas provincias).
Quérote+ leva desde os seus inicios, no ano 2006, traballando a prol da prevención, información e divulgación sobre o VIH-sida a través de diversas accións específicas: carpas e mesas informativas en días mundiais sinalados como son o Día mundial da proba rápida do VIH ou o Día Mundial de loita contra o VIH, obradoiros e cursos de formación en espazos xuvenís ou campañas específicas de sensibilización.
As últimas campañas lanzadas pola Dirección Xeral de Xuventude e Voluntariado neste ámbito foron Facémolo, que se distribúe a través dun código QR que dá acceso a toda a información relevante para a realización da proba rápida do VIH nos centros Quérote+, e Pon a proba do VIH nos teus favoritos!, en colaboración coa Consellería de Sanidade, unha campaña que se lanzou a través de aplicacións móbiles de contacto entre homes (Bender/Grindr), dando información sobre a proba e os espazos nos que poder realizala.
O programa Radio na Biblio, que vai polo noveno ano en funcionamento, chega este curso a 245 centros de ensino que contan cun laboratorio de radio no que traballan as competencias vencelladas á alfabetización mediática, lingüísticas ou de expresión escrita e oral, entre outros. Con nove cursos en marcha, trátase dun programa consolidado que aproveita a posta en marcha dunha emisora de radio na biblioteca para traballar habilidades e destrezas e que permite o tratamento de contidos curriculares mediante metodoloxías activas e innovadoras que facilitan a aprendizaxe. Ademais, as actuais tecnoloxías da información e da comunicación facilitan o uso da radio como ferramenta pedagóxica de gran alcance para a difusión dos proxectos e iniciativas do centro educativo.
Tivo lugar a na cerimonia de entrega dos XVIII Premios Nacionais de Artesanía 2025, na que resultaron premiadas dúas candidaturas galegas. O artesán Aitor Martínez López de Arbina (Tomiño), especializado en tornería de madeira, resultou gañador na categoría Produto e a Fundación Artesanía de Galicia obtivo o recoñecemento na categoría Promociona para Entidades Públicas polo seu proxecto 'Artesanía no Prato'.
