viernes, 25 de septiembre de 2026
A través desta campaña, búscase ofrecer información e asesoramento á mocidade. Mostrarase a realidade dunha diversidade corporal en todos os seus diferentes aspectos (altura, cor de pel, anchura das cadeiras ou forma da boca, entre outros) e o valor da persoa no seu conxunto (no só dos aspectos físicos), ademais de ofrecerse a posibilidade de que os participantes consulten co equipo profesional do Quérote+ se lles xurde algunha dúbida persoal.
Chegarase ata espazos de encontro xuvenil como piscinas, praias, prazas ou festas de 20 localidades galegas. Na mesma instalarase unha mesa informativa con material de Quérote+ xeral e específico de imaxe corporal, un tendal con frases suxerentes vinculadas coa imaxe corporal, e un roll-up no que mozos e mozas fanse fotos coa frase que lles resulte suxerente e lles guste.
Os adhesivos que se realizaron para a campaña recollen frase coñecidas, como A beleza é un estado de ánimo (Émile Zola), Se ti mesm@ @s demáis xa están escollidos (Oscar Wilde), Non sabía que poñerme e púxenme feliz, Coma ti non hai ninguén, Amarse a si mesm@ é o comezo dunha aventura que dura toda a vida (Oscar Wilde), entre outras.
Obradoiros de imaxe corporal
A necesidade desta campaña detectouse a través das diversas actividades que os centros Quérote+ veñen desenvolvendo ao longo dos anos na interacción con mozas e mozos. Así, no curso lectivo 2012/2013, realizáronse 215 obradoiros sobre imaxe corporal e autoestima para mozas e mozos de entre 14 e 15 anos en máis de 100 centros de ensino, chegando a máis de 4.700 participantes.
Neses obradoiros manifestábase unha gran dificultade por recoñecer aspectos persoais positivos. De feito, para os mozos e mozas é un dos obradoiros máis valorados nestes últimos anos, e recoñecen necesitalo xa que é un tema que lles preocupa e que non saben como ou a quen dirixirse para afrontalo.
O número de consultas referentes a este tema sexa presencial, telefónica, en liña, ou a través de Whatsapp/Telegram, vai en aumento (no 2014 lévanse máis de 390 consultas). É frecuente que se acheguen rapazas novas con preocupacións pola súa imaxe, coa autoestima baixa, comentando as dificultades que todo isto lles supón á hora de relacionarse, e mesmo con problemas de trastornos alimenticios.
Jannis Kounellis é un dos artistas fundamentais da historia da arte da segunda metade do século XX. Foi obxecto de grandes exposicións retrospectivas na Fondazione Prada, Venecia (2019), e no Museo Jumex, Cidade de México (2023). Entre as súas exposicións individuais institucionais destacan as do Musée dArt Moderne de la Ville de Paris (1980), Whitechapel Gallery, Londres (1981), Castello di Rivoli, Turín (1988), Stedelijk Museum, Ámsterdam (1990), Museo Nacional Centro de Arte Reina Sofía, Madrid (1996), Albertina, Viena (2005), Neue Nationalgalerie, Berlín (2007), MACRO, Roma (2016), Walker Art Center, Minneapolis (2022) e Museo Jumex, Cidade de México (2023).
O calendario de Programación Kármica arranca este 25 de setembro con Taïn na Sala Guión de Pontedeume. A seguinte cita será o 16 de outubro, con Camellos e Cora Yako en La Conservera de Viveiro, mentres que o 24 de outubro actuarán Javier Lago e Santi Araújo na Pousada da Galiza Imaxinaria de Boiro. O ciclo chegará precisamente á sala que acolle hoxe a súa presentación, A Cofradía de Vilanova de Arousa, o 27 de novembro, coas actuacións de Montedapena e Nuntia. O programa de 2026 pecharase o 26 de decembro na Pousada da Galiza Imaxinaria con Portosanto e Hermanos Visi.
