martes, 23 de diciembre de 2025
Un total de 13 emisoras de radio municipais e a central de contidos Radio Fusión comezaron a emitir o programa Xuventude nas Ondas, que ten como obxectivo a difusión da información xuvenil. As emisoras municipais son as de Boiro, Melide, Ames, Negreira, Arzúa, Cerceda, A Estrada, Redondela, Valga, Arousa, Tui, Foz e Burela.
Como normal xeral, o programa ten unha periodicidade semanal e unha duración dunha hora, e días e horarios establecidos pola propia emisora. A través dunha charla con membros do equipo de dinamización da Dirección Xeral de Xuventude e Voluntariado, o programa repasará a información máis interesante para a mocidade, non só a xerada pola Dirección Xeral de Xuventude e Voluntariado, senón do resto de departamentos da Xunta de Galicia e doutras institucións.
Con esta iniciativa, preténdese incidir por unha canle máis na difusión da información xuvenil, como fórmula para garantir a igualdade de oportunidades para os nosos mozos e mozas, así como mellorar o acceso aos recursos públicos e facilitar a súa participación nas sociedades democráticas.
As oficinas de información xuvenil destes municipios tamén colaboran no programa Xuventude nas Ondas. Galicia conta cunha ampla Rede Galega de Información Xuvenil, que está formada por un centro coordinador en Santiago, 12 espazos xoves comarcais, 4 servizos territoriais, 2 oficinas locais, 247 oficinas municipais e 63 puntos de información xuvenil de asociacións.
O programa Radio na Biblio, que vai polo noveno ano en funcionamento, chega este curso a 245 centros de ensino que contan cun laboratorio de radio no que traballan as competencias vencelladas á alfabetización mediática, lingüísticas ou de expresión escrita e oral, entre outros. Con nove cursos en marcha, trátase dun programa consolidado que aproveita a posta en marcha dunha emisora de radio na biblioteca para traballar habilidades e destrezas e que permite o tratamento de contidos curriculares mediante metodoloxías activas e innovadoras que facilitan a aprendizaxe. Ademais, as actuais tecnoloxías da información e da comunicación facilitan o uso da radio como ferramenta pedagóxica de gran alcance para a difusión dos proxectos e iniciativas do centro educativo.
Tivo lugar a na cerimonia de entrega dos XVIII Premios Nacionais de Artesanía 2025, na que resultaron premiadas dúas candidaturas galegas. O artesán Aitor Martínez López de Arbina (Tomiño), especializado en tornería de madeira, resultou gañador na categoría Produto e a Fundación Artesanía de Galicia obtivo o recoñecemento na categoría Promociona para Entidades Públicas polo seu proxecto 'Artesanía no Prato'.
