martes, 8 de julio de 2025
Os profesores Miguel Anxo Santos Rego, director do Instituto de Ciencias da Educación da USC, e Celso RodrÃguez Fernández, coordinador do Programa de formación docente do mesmo Instituto universitario e actual director do Departamento de Ãlxebra, veñen de ser nomeados membros do consello editorial da prestixiosa revista electrónica Studies in Learning, evaluation, innovation and development.
A revista, da que é editor en xefe o catedrático da Queensland University en Brisbane (Australia), Patrick Alan Danaher, ten como propósito principal estudar os programas e procesos que atinxen neste intre á calidade das universidades en todo o mundo e aos programas educativos de grao e posgrao que imparten. Editada dende 2004, a publicación dirÃxese a investigadores e profesionais que traballan no eido da educación, especialmente na universitaria e posobrigatoria.
Alfonso Rueda informou de que o Consello 'aprobou a orde para a posta en marcha do Bono Peixe' que ofrecerá 'ata 50 €' para mercar peixe e marisco frescos nos establecementos da comunidade adheridos. Unha medida coa que a Xunta busca 'incentivar o consumo' destes produtos galegos que son sinónimo 'de excelencia e calidade' por todo o mundo e 'facer unha chamada atención' sobre o descenso destes alimentos na dieta que se está a vivir 'a nivel nacional, europeo e mundial e do que Galicia non é allea'.
Galicia segue a ser un referente nacional en calidade ambiental e turÃstica, con 137 bandeiras azuis e 54 sendeiros azuis recoñecidos en marzo. Sanxenxo mantén a súa posición á cabeza do conxunto estatal con 17 praias, 3 portos deportivos (o Real Club Náutico Sanxenxo, o Club Náutico Portonovo e o Porto Deportivo Juan Carlos I) e 1 centro azul (o Centro de Interpretación das Telleiras), ademais de ser o concello que conta co maior número de sendeiros azuis de toda España, cun total de 8 rutas. Galicia mantense entre as tres Comunidades con máis distintivos azuis (tras a Comunidade Valenciana e AndalucÃa) con 137 galardóns que inclúen praias, portos e centros azuis, ademais de 54 sendeiros azuis recoñecidos en marzo. De feito, concentra unha de cada seis bandeiras azuis concedidas este ano aos areais españois.
