jueves, 25 de diciembre de 2025
A Consellería de Cultura, Educación e Ordenación Universitaria súmase á celebración do Día Internacional contra a Violencia de Xénero tinguindo de lila as Torres Hejduk da Cidade da Cultura. Con este xesto simbólico, o departamento que dirixe Xesús Vázquez quere amosar o seu rexeitamento a unha lacra social que este ano xa se cobrou a vida de máis de 60 mulleres en España e contribuír a sensibilizar a sociedade sobre este problema.
A Fundación Cidade da Cultura de Galicia a través do acordo de patrocinio alcanzado coa empresa eléctrica Iberdrola para a iluminación das Hejduk, tinguirá de lila a torre de cristal. Dotada dunha iluminación LED cunha ampla combinación de cores, a intervención acumula unha potencia de sete quilowatts repartida en varias liñas de alta capacidade.
O deseño da iluminación permite realizar unha gran gama de combinacións cromáticas, que poden verse desde distintos puntos de Santiago de Compostela, e que xa lle permitiu á Cidade da Cultura sumarse a outras convocatorias como a do Día Internacional contra o cancro de mama, cando as Hejduk se tornaron rosas.
As Torres Hejduk da Cidade da Cultura volverán lilas cor que identifica a loita contra a violencia de xénero- a noite do domingo ao luns, 25 de novembro, xornada na que se conmemora o Día Internacional contra a Violencia de Xénero.
Baixo o lema "Se a maltratas a ela, maltrátasme a min", a Xunta de Galicia pon en marcha unha campaña institucional contra a violencia de xénero que ten por obxectivo sensibilizar á poboación da necesidade de erradicar esta lacra que constitúe un problema social de primeira magnitude.
A campaña foi presentada en rolda de prensa pola secretaria xeral da Igualdade, Susana López Abella, e a subdirectora xeral para o Tratamento da Violencia de Xénero, Belén Liste; que explicaron que quixeron achegar esta mensaxe a sociedade galega cunha iniciativa protagonizada por dous homes coñecidos e recoñecidos no ámbito público da nosa comunidade. Deste xeito, o actor Federico Pérez e o campión mundial de triatlón Javier Gómez Noya puxeron cara, de xeito totalmente desinteresado, aos 40.000 carteis que se repartirán por todas as vilas e cidades de Galicia.
Así mesmo, López Abella explicou que a Xunta adheriuse a campaña institucional Hai saída, desenvolvida polo Ministerio de Sanidade, Servizos Sociais e Igualdade, por criterios de hamornización de mensaxe ante a lacra social da violencia de xénero e de racionalización dos recursos públicos, na liña habitual do Goberno galego.
A iniciativa desenvolverase nos medios de comunicación -prensa, radio e televisión- e nas redes sociais -Tuenti, Facebook e Twitter-, e está composta por vídeos e carteis protagonizados polos actores Imanol Arias, Mario Casas e Juanjo Artero. Segundo dixo López Abella, pretende dar unha mensaxe de esperanza ás mulleres vítimas de violencia de xénero e romper o silencio cómplice que as rodea porque hai saída.
Andaina contra a violencia de xénero
Doutra banda, no marco do Día Internacional para a Eliminación da Violencia de Xénero, que se celebra o vindeiro luns, a Secretaria Xeral da Igualdade anunciou que este domingo terá lugar o Camiño ao respecto, unha andaina contra a violencia de xénero organizada pola Xunta de Galicia.
Susana López Abella animou a todos e todas a que se sumen ao percorrido que partirá as 11,00 da mañá do Monte do Gozo e rematará sobre as 12,30 horas na Praza do Obradoiro coa lectura dun manifesto contra a violencia de xénero.
Trátase, segundo dixo, de promover a participación cidadá a prol do rexeitamento público e formal contra a violencia de xénero e de sensibilizar sobre a importancia de valores como o respecto e a igualdade entre homes e mulleres, valores que -engadiu- encarna o Camiño de Santiago.
Cifras en Galicia
Segundo os últimos datos oficiais, no primeiro semestre de 2013 en Galicia presentáronse 2.552 denuncias por malos tratos e no que vai de ano os xulgados galegos comunicaron un total de 884 medidas de protección; entre medidas cautelares, ordes de protección e ordes de afastamento.
Así mesmo Susana López Abella informou de que a día de hoxe un total de 226 mulleres vítimas de violencia de xénero en Galicia están a percibir algún tipo de axuda económica -periódica, pago único ou indemnización- habilitado pola Xunta de Galicia.
A conselleira do Medio Rural, acompañada polo director xeral da PAC e do Control da Cadea Alimentaria, Juan José Cerviño, presidiu este mediodía a constitución do Observatorio do sector lácteo de Galicia, órgano colexiado de seguimento, asesoramento, consulta e análise deste eido produtivo. Esta reunión ten lugar trala entrada en vigor do decreto que actualizou a regulación deste órgano e que, entre outros obxectivos, persegue facer un seguimento continuado do sector e mellorar o seu funcionamento. O Observatorio vén funcionando dende a súa creación no ano 2007
En concreto, o programa do Calendario do Libro e da Lectura inaugurará as súas 35 efemérides para o longo de todo o ano o 11 de xaneiro, co Día do usuario/a da Biblioteca e terá como unha das súas datas significativas desde mes, o Día da Ilustración, que se celebra o 30 e está dedicado ao humorista gráfico Siro López. Complétanse as datas significativas coa celebración, o 1 de abril, do Día das artes galegas, que se centra neste 2026 nun dos nosos fotógrafos máis vangardistas e internacionais, o ourensán José Suárez. En todo caso, este festexo estenderase todo o ano cunha ampla oferta de accións, do mesmo xeito que sucederá co Día das letras galegas (17 de maio) que nas bibliotecas xirará ao redor da escritora Begoña Caamaño.
