martes, 8 de julio de 2025
No ano 2004, os Servicios de Emprego da Federación de Asociacións de Persoas Xordas de Galicia (FAXPG) xestionaron 98 contratos en empresas ordinarias para persoas con discapacidade auditiva. Dezasete destes contratos son indefinidos. Quince dos contratos xestionados, enmárcanse dentro do convenio asinado entre a FAXPG e a Obra Social Caixa Galicia. En virtude deste convenio, a Obra Social sufraga os gastos salariais do/a traballador/a durante o período de proba. En todo o proceso de inserción laboral a FAXPG pon a disposición de empresarios e/ou traballadores/as o Servicio de Intérpretes de Lengua de Signos Española de xeito totalmente gratuíto. O Servicio de Emprego da Federación de Asociacións de Persoas Xordas de Galicia, é un servicio gratuíto dirixido ó colectivo de demandantes de emprego con discapacidade auditiva. Forma parte do Servicio Galego de Colocación da Consellería de Asuntos Sociais, Emprego e Relacións Laborais da Xunta de Galicia desde o ano 1997.
Alfonso Rueda informou de que o Consello 'aprobou a orde para a posta en marcha do Bono Peixe' que ofrecerá 'ata 50 ' para mercar peixe e marisco frescos nos establecementos da comunidade adheridos. Unha medida coa que a Xunta busca 'incentivar o consumo' destes produtos galegos que son sinónimo 'de excelencia e calidade' por todo o mundo e 'facer unha chamada atención' sobre o descenso destes alimentos na dieta que se está a vivir 'a nivel nacional, europeo e mundial e do que Galicia non é allea'.
Galicia segue a ser un referente nacional en calidade ambiental e turística, con 137 bandeiras azuis e 54 sendeiros azuis recoñecidos en marzo. Sanxenxo mantén a súa posición á cabeza do conxunto estatal con 17 praias, 3 portos deportivos (o Real Club Náutico Sanxenxo, o Club Náutico Portonovo e o Porto Deportivo Juan Carlos I) e 1 centro azul (o Centro de Interpretación das Telleiras), ademais de ser o concello que conta co maior número de sendeiros azuis de toda España, cun total de 8 rutas. Galicia mantense entre as tres Comunidades con máis distintivos azuis (tras a Comunidade Valenciana e Andalucía) con 137 galardóns que inclúen praias, portos e centros azuis, ademais de 54 sendeiros azuis recoñecidos en marzo. De feito, concentra unha de cada seis bandeiras azuis concedidas este ano aos areais españois.
