lunes, 20 de abril de 2026
O conselleiro de Cultura, Educación e Ordenación Universitaria, Xesús Vázquez Abad, participou na presentación do programa Avó... cóntame un conto, que ten como obxectivo achegar a lectura aos máis cativos.
Durante o acto Vázquez Abad destacou que a Asociación de Libreiros de Ourense quere retomar unha tradición que non debemos deixar que se vaia. É unha oportunidade para escoitar dos beizos dos avós os contos, pero non en calquera sitio, senón nalgún dos lugares máis fermosos do mundo: as librarías, ao que engadiu as avoas e avós recollen unha tradición oral moi velliña, antiga como o propio mundo, que contistas famosos como os irmáns Grimm, Andersen ou Perrault iniciaron, permitindo que o Gato con Botas, a Cinzenta Brancaneves, o Patiño Feo ou Xoán Sen Medo formen parte das nosas vidas.
Apoio da Consellería
Esta iniciativa da Agrupación Provincial de Libreiros de Ourense, apoiada pola Consellería de Cultura e Educación, desenvolverase ao longo do mes de novembro en diversas librarías da cidade das Burgas. Nestes espazos levárase a cabo o itinerario literario, na que serán avós e avoas os responsables de ler e contar contos aos máis pequenos. Para asistir a estes contacontos é preciso recoller, con antelación, os convites que se repartiran nas distintas librarías, entre as que se atopan: Internacional, Kathedra, Padre Feijóo, A Nova e Malleira.
Esta iniciativa ten como obxectivos que os receptores aprendan novos valores, ao tempo que reciben coñecemento a través dos contos, impulsando o hábito da lectura, poñendo en valor o concepto e a importancia da familia. Ao mesmo tempo este Avó... cóntame un conto fomenta a lectura en voz alta acompañada por representacións teatrais de títulos como A Velliña Vella, de Vicente Risco; Os tesouros da Illa de Granellandia, de Paco López Barxas e Eugenio Granell.
Avó... cóntame un conto tamén potencia as actividades en diferentes barrios da cidade de Ourense e ademais unha actividade que potencia o envellecemento activo de feito que engloba numerosos beneficios para amplo abano de idades.
En 2025, Lara Weed e Jamie M. Zeitzer, da Universidade de Stanford, publicaron un artigo no que se relacionaba a práctica do cambio estacional de hora con aspectos negativos para a saúse, tanto de sintomatoloxía aguda (infartos ou accidentes cerebrovasculares), como crónica (obesidade). Agora, os profesores José María Martín Olalla, da Universidade de Sevilla, e Jorge Mira Pérez, da Universidade de Santiago de Compostela, tras analizar a metodoloxía aplicada neste estudo, constataron que 'o que o mundo leu como unha evidencia científica contra o cambio de hora resultou ser unha ilusión matemática'.
Un total de 15.733 persoas concorrerán ás oposicións de Educación deste ano 2026 segundo a listaxe provisional de admitidos publicado no Portal Educativo. Cómpre lembrar que, froito do acordo entre a Consellería de Educación, Ciencia, Universidades e FP e os sindicatos CC.OO., ANPE, UGT-SP Ensino e CSIF, como novidade nesta ocasión os interinos non teñen a obriga de presentarse ao exame, co obxectivo de axilizar o proceso. Isto provoca un descenso de case o 23% nas probas respecto á convocatoria do ano pasado. En concreto, 4.689 aspirantes menos. A Xunta de Galicia convoca para este proceso un total de 1.601 prazas, o que supón esgotar o 120% da taxa de reposición marcado polo Estado.
