miércoles, 8 de abril de 2026
Galicia rexistrou en agosto o máximo histórico de viaxeiros aloxados nos establecementos regrados, superando incluso en algo máis de 1.000 aos computados no Ano Santo 2010. Porcentualmente, a suba é a máis elevada dos últimos once anos.
Galicia rexistrou no mes de agosto unha cifra de viaxeiros aloxados en establecementos regrados de 727.733, isto é, un 11,6% máis que os rexistrados no mesmo mes do ano pasado. Tamén as pernoitas experimentaron unha suba do 6,5%, con 1.826.503 pernoitas rexistradas en hoteis, pensións, casas de turismo rural, apartamentos turÃsticos e cámpings. Deste xeito, os establecementos extrahoteleiros galegos, cuxos datos fixo públicos hoxe o Instituto Nacional de EstadÃstica, experimentaron unha suba na cifra de viaxeiros aloxados do 5,1%, e do 2% na cifra de pernoitas rexistradas a respecto de agosto de 2012.
A suba máis importante rexistrouse nos apartamentos turÃsticos, que incrementaron nun 16,4% a cifra de viaxeiros. Tamén as casas de turismo rural melloraron as súas cifras de viaxeiros cun ascenso na cifra global do 9,1% no conxunto da comunidade.
O mercado nacional medrou un 6,5% e o internacional un 8,4%, acadando o máximo de viaxeiros aloxados con case 160 mil no conxunto da comunidade e de pernoitas –superando as 300 mil- asà como na estrutura da demanda en agosto supoñendo o 16,6% do total das pernoitas de aloxamento regrado.
Meses de verán
En xullo e agosto, os establecementos hoteleiros galegos rexistraran xa unha suba do 12,2% na cifra de viaxeiros e do 6,7% na cifra de pernoitas rexistradas. Pola súa banda, os establecementos extrahoteleiros de Galicia rexistraron nos meses de verán un incremento do 2,9% na cifra de viaxeiros aloxados e de case o 1% na cifra de pernoitas. No cómputo global dos establementos regrados galegos para os meses de verán, a cifra de viaxeiros medrou un 10,3, superando o millón douscentos mil -1.246.547- e medrou un 5% a cifra de pernoitas, con máis de tres millóns de noites.
Acumulado do ano
No acumulado anual de xaneiro a agosto Galicia lidera o crecemento da cifra de viaxeiros aloxados en establecementos regrados. Tamén no que vai de ano o turismo internacional medrou un 12% na cifra de viaxeiros e un 8,4% na de pernoitas, acadando cotas do 24,1% do total de viaxeiros aloxados, nunca antes rexistradas. Este segmento supera por primeira vez a barreira dos 600 mil viaxeiros ata o mes de agosto.
Nos oito primeiros meses deste 2013, Galicia rexistrou unha suba de viaxeiros aloxados nos establecementos hoteleiros do 5,7%. Os viaxeiros aloxados en establecementos extrahoteleiros medraron un 0,2% e no cómputo global, a cifra de viaxeiros aloxados nos establecementos regrados de Galicia entre xaneiro e agosto deste ano medrou un 5% a respecto do mesmo perÃodo de 2012; e a cifra de pernoitas medrou un 1,5%.
Peregrinos que recolleron a Compostela
Do 1 de xaneiro ao 30 de setembro deste ano chegaron a Santiago 188.933 peregrinos, dos que o 49,28 % foron estranxeiros. No mesmo perÃodo do ano pasado chegaron 167.887 peregrinos que recolleron a Compostela na Oficina de Acollida ao Peregrino da rúa do Vilar.
O Carballo Interplay desenvolverá do 16 ao 19 de abril no Mercado de Carballo a súa 13ª edición cun programa de 32 actividades arredor da creación dixital contemporánea, das series en pequeno formato, a cultura de internet e a reflexión sobre os novos modos de comunicar na rede. O certame reforza especialmente este ano a presenza do galego como lingua de creación, conversa e pensamento no ecosistema dixital, cunha programación especÃfica arredor dos contidos no noso idioma nas redes sociais, accións formativas para a mocidade, premios dirixidos a recoñecer o talento que crea na nosa lingua e novas oportunidades para a produción de proxectos audiovisuais nados no ámbito dixital.
A Cidade da Cultura celebrará o DÃa do Circo o vindeiro 19 de abril co espectáculo 'Sen patrón', da compañÃa galega Pistacatro, recoñecida co Premio Nacional 2025 desta disciplina artÃstica. A proposta terá lugar no XardÃn do Teatro, ás 17,00 horas, con entrada libre e de balde. AsÃ, o DÃa do Circo convértese nun momento para celebrar tamén a chegada da primavera cunha proposta escénica aberta, festiva e accesible para todo tipo de públicos, que combina cabaré, números aéreos e malabares cunha dramaturxia que reivindica tanto técnicas circenses tradicionais como contemporáneas. Pistacatro é unha das compañÃas e produtoras de circo máis relevantes das artes vivas de Galicia, que traballa a prol da profesionalización do circo na Comunidade, impulsando as carreiras de artistas e traballadores do sector.
