jueves, 9 de abril de 2026
O material obxecto deste concurso componse fundamentalmente de envases de aceiro mesturados con outros refugallos destas características que son separados mecánicamente a través de electroimáns Overbands. A previsión da empresa é clasificar da orde de 600-900 toneladas mensuais que enviará, como ata o de agora, a un recuperador/reciclador autorizado de acordo ao estipulado na Lei de Envases e Residuos de Envases. Non obstante, e co obxectivo de garantir que isto sexa así, o adxudicatario deberá remitir a Sogama, nun prazo non superior a seis meses, a contar desde a data de retirada, o certificado mensual de recepción do material por cada unha das firmas implicadas na cadea de trazabilidade ata o seu destino final, que en todo caso é a fundición, debendo facerse cargo igualmente, e de acordo coa lexislación vixente, da xestión dos elementos impropios.
A fin de facilitar a preparación de ofertas por parte dos interesados, estes poderán visitar as instalacións desta entidade pública para comprobar as condicións do material obxecto de venda. O prazo para a presentación de candidaturas finaliza ás 13:00 horas do próximo 26 de agosto.
Desde o ano 2004, a Sociedade Galega do Medio Ambiente remitiu á industria recicladora 67.579,35 toneladas de aceiro procedentes da bolsa negra.
PENALIZACIÓNS
O incumprimento dos prazos ou tempos de resposta para a retirada de material, que deberá facerse nun máximo de 24 horas desde a solicitude cursada por Sogama, dará lugar a unha sanción do 5 por cento do importe mensual do contrato por cada día de atraso.
Así mesmo, no caso de que o certificado de trazabilidade non se presente no prazo estipulado, aplicarase unha penalización do 10 por cento sobre o importe facturado no mes en cuestión e sobre a cantidade pendente de certificar.
O Carballo Interplay desenvolverá do 16 ao 19 de abril no Mercado de Carballo a súa 13ª edición cun programa de 32 actividades arredor da creación dixital contemporánea, das series en pequeno formato, a cultura de internet e a reflexión sobre os novos modos de comunicar na rede. O certame reforza especialmente este ano a presenza do galego como lingua de creación, conversa e pensamento no ecosistema dixital, cunha programación específica arredor dos contidos no noso idioma nas redes sociais, accións formativas para a mocidade, premios dirixidos a recoñecer o talento que crea na nosa lingua e novas oportunidades para a produción de proxectos audiovisuais nados no ámbito dixital.
A Cidade da Cultura celebrará o Día do Circo o vindeiro 19 de abril co espectáculo 'Sen patrón', da compañía galega Pistacatro, recoñecida co Premio Nacional 2025 desta disciplina artística. A proposta terá lugar no Xardín do Teatro, ás 17,00 horas, con entrada libre e de balde. Así, o Día do Circo convértese nun momento para celebrar tamén a chegada da primavera cunha proposta escénica aberta, festiva e accesible para todo tipo de públicos, que combina cabaré, números aéreos e malabares cunha dramaturxia que reivindica tanto técnicas circenses tradicionais como contemporáneas. Pistacatro é unha das compañías e produtoras de circo máis relevantes das artes vivas de Galicia, que traballa a prol da profesionalización do circo na Comunidade, impulsando as carreiras de artistas e traballadores do sector.
