viernes, 10 de abril de 2026
O presidente da Xunta, Alberto Núñez Feijóo, cualificou o deporte e o téxtil como claros expoñentes do que significa potenciar a imaxe e situar Galicia no ámbito internacional, situar Galicia nun dos eventos máis importantes que vai ter España en Barcelona neste verán, colocándoa con forza no mapa internacional. Hoxe sinalou-, a moda galega viste a España e logra lanzar a imaxe que pretendemos, dun país aberto, dun país que sabe interpretar o deseño de futuro e dun país que sabe trasladar, ademais, o deseño do futuro ao vestiario do presente, ao ser provedora oficial do Campionato do Mundo de Natación, Barcelona 2013, que permitirá que a nosa comunidade se coñeza en todo o mundo desde Barcelona.
Así o asegurou durante a recepción ofrecida ao Comité Organizador do Campionato do Mundo de Natación e ao deseñador Florentino, que será o provedor oficial da proba deportiva que se celebrará do 19 de xullo ao 4 de agosto en Barcelona, vestindo cos seus deseños a máis de 500 persoas vinculadas co evento.
O deporte e o téxtil danse a man para aliarse e ofrecer a nosa imaxe a todo o mundo. As 500 persoas que van vestir as roupa de Florentino van acreditar que en Galicia se fai un téxtil, non só de cantidade, que tamén -a primeira multinacional do mundo en téxtil é galega, é Inditex-, pero temos o deseño e o produto doutros moitos emprendedores e empresarios que seguen, a pesar das dificultades, exportando moda, exportando marca e exportando calidade. E ese é o caso de Florentino, abondou.
O armario do Campionato do Mundo de Natación será un armario galego, será o armario dun excelente empresario que é Florentino Cacheda, afirmou Feijóo, incidindo en que esta firma radicada en Lalín, que xa se ten consolidado no sector da moda masculina de deseño a nivel internacional, dá emprego a máis de 500 persoas de forma directa e indirecta; conta con máis de 35.000 metros cadrados de naves industriais; cun centro loxístico de máis de 15.000 metros cadrados; produce e distribúe máis dun millón de prendas ao ano en todo o mundo; e conta cunha ampla rede exterior, ao estar presente en nove países, en mercados como Francia, Portugal, Filipinas, Exipto, México, China, Corea, Líbano ou os Emiratos Árabes.
Na mesma liña, o mandatario autonómico lembrou que non é a primeira vez que Florentino se embarca nunha empresa semellante, pois conta con experiencia sobrada neste eido, ao ter vestido a deportistas vinculados ao mundo da vela, do golf ou a equipos de fútbol de elite que xa teñen lucido os seus deseños en distintos estadios de fútbol do noso país. En consecuencia, Florentino liderará o vestiario, ao coller o fío e a agulla, encargándose da sastrería, do deseño e do estilismo dos mundiais de Natación Barcelona 2013, enfatizou.
O presidente da Xunta non quixo rematar a súa intervención sen felicitar a Florentino Cacheda por este logro e sen agradecer a confianza que o equipo organizador dos Mundiais de Natación Barcelona 2013 depositou en Galicia e nunha das empresas téxtiles da comunidade. Quixo manifestar expresamente a súa gratitude pola presenza dunha das mellores nadadoras e deportistas españolas de todos os tempos, Gemma Mengual, e tamén pola presenza dunha das mellores nadadoras galegas, Beatriz Gómez.
O presidente da Xunta, Alfonso Rueda, anunciou hoxe a posta en marcha dun programa específico para reducir o abandono escolar centrado en varóns e na poboación inmigrante sen educación secundaria de segunda etapa, é dicir, que non contan con títulos superiores ao de ESO. O responsable do Executivo autonómico apuntou que a redución do abandono escolar é un 'importantísimo asunto de carácter estrutural no que a Xunta está embarcada hai tempo'. Aínda que indicou que 'imos polo bo camiño', lembrando que Galicia pechou 2025 cunha taxa do 10,4%, case tres puntos por debaixo da media estatal, sinalou que 'non podemos conformarnos nin moito menos'. Así, lembrou que a taxa de abandono educativo temperán é case o dobre nos homes (13,5%) ca nas mulleres (7,2%), polo que o Goberno galego está a intensificar as medidas especiais sobre eles.
O XIII Carballo Interplay desenvolverá do 16 ao 19 de abril un programa de 32 actividades arredor da creación dixital contemporánea, das series en pequeno formato, a cultura de internet e a reflexión sobre os novos modos de comunicar na rede. O certame reforza este ano a presenza do galego como lingua de creación, conversa e pensamento no ecosistema dixital, cunha programación específica arredor dos contidos no noso idioma nas RRSS, accións formativas para a mocidade, premios dirixidos a recoñecer o talento que crea na nosa lingua e novas oportunidades para a produción de proxectos.
