sábado, 25 de abril de 2026
A cociñeira de Cangas de Morrazo reuniu neste volume publicado pola editorial Galaxia, máis de setenta receitas de repostería caseira, na que non faltan os grandes clásicos galegos -roscóns, biscoitos, madalenas, filloas, cremas...- e algunhas propostas cun toque mais personal.
"Quixen facer un libro no que todas as receitas resultaran fáciles e divertidas de facer na casa, cunha inspiración clara na respostería popular de Galicia, pero tamén aportando ideas e pequenos trucos para facelas ainda máis atractivas - explica a autora-. Estou moi contenta de xuntar no libro receitas moi tradicionais e outras que nas que puxen algo de inventiva propia. E todas poden facerse sen necesidade de ingredientes dificiles de atopar , simplemente usando ese molde que todos temos na casa, unha cunca e unha culler".
Do flan de arroz coin leite á torta de kiwi
Despois do éxito alcanzado polos libros de cociña do programa, asinados por Benigno Campos, moitos espectadores de Larpeiros esperaban a publicación das receitas de repostería : o flan de arroz con leite, os pasteis de froitas, a torta de kiwi, as marmeladas, as filloas con abelás...
O libro conta con coidadas fotografías do colectivo Nyxstyle, tres fotógrafas e estilistas "que realizaron un traballo verdeiramente orixinal, nun campo no que é difícil aportar algo novo. Pero as fotos de Laura, Estefanía e Sofía son distintas e moi bonitas", en opinión de Merchi Rodal.
Para Xosé Cermeño, creador de Larpeiros , Merchi Rodal e as súas receitas responden moi ben ao espírito do programa: "Merchi transmite amor polos produtos do país, curiosidade polas receitas novas e unha enorme alegría de vivir e de facer lambetadas que nos gusten a todos. E esas cousas -coñecer, compartir, gozar- son das que trata o programa e das que trata este libro. Un verdadeiro tratado sobre a felicidade".
Ferrol é a primeira das 13 citas co libro e a lectura que terán os galegos e galegas en diferentes vilas e cidades das catro provincias. Tras esta cidade, recollerá o relevo Santiago de Compostela, do 2 ao 10 de maio; Lugo, do 13 ao 17 de maio; O Porriño, do 14 ao 17 de maio; Redondela, do 11 ao 14 de xuño, e Ourense, do 17 ao 20 de xuño. Xa no mes de xullo, Vigo abrirá o día 1, prolongándose ata o día 7, continuando en Ponteareas, desde o día 9 ata o 12, e en Rianxo do 23 ao 26. Finalmente, en agosto, as Feiras do Libro viaxarán ata A Coruña, do 1 día ata o 10; Viveiro, do día 13 ao 19; Foz do 20 ao 23, e rematarán en Monforte de Lemos, onde se celebrará do día 26 ao 29 de agosto.
O número de persoas en Galicia que le ocasional ou habitualmente na nosa lingua medra en case nove puntos ata acadar o 72 %, isto é, sete de cada dez galegos. Ademais deste incremento do 13 por cento na lectura ocasional ou habitualmente en galego con respecto ao ano anterior, o estudo de 2025 tamén revela a consolidación dunha Galicia lectora, reflectida no sindicadores que sinalan que o 96,5 % da poboación maior de 14 anos le en calquera medio e soporte, o que sitúa a nosa Comunidade nun 1,4% por enriba da media de España. Ademais, o 70 % destas lecturas son de libros.
