viernes, 6 de noviembre de 2026
O conselleiro de EconomÃa e Industria, Francisco Conde, mantivo un encontro cos reitores das tres universidades galegas no que se estudou a posta en marcha e o reforzo das estratexias conxuntas para o impulso do emprendemento en Galicia, asà como a activación dun foro permanente de colaboración e cooperación.
Na reunión, que forma parte da rolda de contactos que está a manter a Xunta cos principais axentes sociais e económicos para consensuar a nova Lei do Emprendemento, o conselleiro salientou o papel clave das universidades no fomento da cultura emprendedora e na posta en valor do talento galego, aspectos que se potencian no anteproxecto de lei.
Do mesmo xeito, Conde destacou a aposta da Xunta por promover a transferencia dos resultados da investigación á empresa, con ferramentas como a Axencia Galega de Innovación e a nova Lei de Fomento da Investigación e Innovación de Galicia, que tamén está a ser tramitada. Ademais, falouse de que a nova Lei de Emprendemento pode ser un instrumento para impulsar a labor levada a cabo nas universidades como xerme de empresas e proxectos innovadores, como no caso das spin-off e os viveiros de empresas.
No encontro, o conselleiro puido escoitar as opinións e propostas dos representantes das universidades para a Lei do Emprendemento, coa que, tal e como recordou Conde, se dotará aos emprendedores galegos dun marco integral de apoio ás súas iniciativas empresariais, ordenando e coordinando os recursos da Administración e favorecendo o investimento público e privado co obxectivo de retomar o crecemento.
Entre os obxectivos da Lei do Emprendemento de Galicia está dotar de novas posibilidades de financiamento aos emprendedores, ao tempo que simplificará o proceso administrativo para a constitución de empresas. AsÃ, entre as súas principais novidades destaca a Unidade Galicia Emprende, destinada a dar un servizo integral de apoio e asesoramento para a creación de empresas. A través deste servizo, o Goberno galego comprométese a avaliar os proxectos maduros facilitando o seu informe de viabilidade en menos de 30 dÃas e axilizar os trámites administrativos para a constitución dunha nova empresa en menos de 48 horas.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas pelÃculas. Coa proxección de El pisito, de Marco Ferreri, comeza esta mesma tarde a ConsellerÃa de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardÃn de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un perÃodo anómalo, xa que as altas presións foron moito máis frecuentes do que caberÃa agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que caberÃa agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
