lunes, 5 de mayo de 2025
A Cidade da Cultura de Galicia acolleu o coloquio entre a directora xeral do Instituto de la Cinematografía y de las Artes Audiovisuales (ICAA), Susana de la Sierra, e profesionais do sector audiovisual de Galicia, nunha sesión organizada polo Clúster Audiovisual Galego coa colaboración da Consellería de Cultura, Educación e Ordenación Universitaria.
O secretario xeral de Cultura, Anxo Lorenzo, e o presidente do clúster foron os encargados de abrir a sesión, dirixida a todos os representantes de produtoras audiovisuais galegas. Neste momento de dificultades para todos afirmou Anxo Lorenzo, tamén para os profesionais dun sector estratéxico como o audiovisual, faise máis necesario que nunca dialogar, escoitar e ofrecer alternativas de novos modelos que se adapten mellor á situación actual.
Apoio ao sector audiovisual
O seu departamento e a Axencia Galega das Industrias Culturais (Agadic) apoiaron a realización do encontro, que tamén contou coa colaboración do Ministerio de Educación, Cultura y Deporte, a través do propio ICAA. Respecto da Agadic, o secretario xeral recordou que a axencia está a planificar as próximas convocatorias de subvencións previstas para 2013 e dirixidas aos diferentes sectores culturais.
As diferentes liñas de axudas do Goberno central dirixidas á industria do cine centraron a intervención de Susana de la Sierra, que foi seguida dun coloquio cos profesionais asistentes sobre esta e outras cuestións de interese para o sector audiovisual galego.
Galicia ratificou hoxe o seu apoio pleno ao Pacto Europeo dos Océanos como plataforma fundamental para unificar a súa gobernanza e aliñar a protección do medio ambiente co seu uso sostible, e avogou pola integración plena da pesca e da acuicultura como piares centrais dese acordo. Durante un evento no Comité Europeo das Rexións celebrado en Bruxelas este mediodía, a directora-xerente do Centro Tecnolóxico do Mar-Fundación Cetmar, Rosa Chapela Pérez, defendeu que os sectores pesqueiro e acuícola sostibles 'non representan unha ameaza para a saúde dos nosos océanos'. Polo contrario, afirmou, 'son aliados esenciais para manter o seu equilibrio'.
O presidente da Xunta, Alfonso Rueda, informou hoxe de que a Xunta destinará no bienio 2025-2026 preto de 1,8 millóns de euros á formación e ao adestramento do persoal dos servizos de prevención de incendios forestais co fin de garantir a protección dos nosos montes de cara á tempada 'de maior risco de lumes'. Segundo sinalou Rueda, estas cifras supoñen un incremento de case o 19 % do orzamento, en comparación co bienio anterior. Con estes fondos, a previsión é financiar preto de 3.500 edicións de cursos e accións 'de formación e adestramento' ao longo do referido período. Así figura no Plan de formación integrado dentro do Plan de prevención e defensa contra os incendios forestais de Galicia (Pladiga) correspondente ao ano 2025, que hoxe aprobou o Consello do Goberno galego, unha vez oído o Consello Forestal de Galicia na súa xuntanza do pasado mércores, día 30 de abril.
